Fiskimannafelagið ósamt við Løgmann
Sambært Føroya Fiskimannafelag er tað ikki rætt sum Løgmaður segði í sendingini Metis í gjár. Okkurt tíður uppá, at Landsstýri ikki hevur eftirkanna avleiðingarnar av uppskotinum til Fiskivinnunýskipan
Í sendingini Metis sum var í gjár týsdagin, segði Aksel V Jóhannesen, at manningar skulu lønast eftir føroyskum sáttmálum. Fiskimannafelagið upplysur á heimasíðu sínari, at tær ásetingar, sum Løgmaður vísti til ikki halda. Løgmaður vísti til orðingar í §51 i uppskotinum um Sjófongi ella Fiskivinnunýskipan, sum tað oftast verður nevnt.
Skrivið á heimasíðuni hjá fiskimannafelagnum kann lesast her: http://fiskimannafelag.fo/news/49/loggeva-sattmalan-ut-a-sjogv
Um veiðuloyvi verður tikið av skipinum, missa fiskimenn síni rættindi. Rættindini eru ikki á skipinum longur, men kunnu eins væl vera í hondunum hjá strámonnum. Er samgongan ikki áhuga í at verja verkamannin? spyr Føroya Fiskimannafelag á hemasíðu sínari.
Fiskimannafelagið sigur á heimasíðu sínari, at til ber at ganga uttanum ásetingarnar í §51 í lógini. Fiskimannafelagið vísur eisini á hvussu hetta kann gerast. Jan Højgaard upplýsur, at í hesum døgum ger Føroya Fiskimannafelag einki, uttan at bæði adovkatar og grannskoðarar er við. Og soleiðis er eisini viðvíkjandi nevnda skrivið.
Í stuttum kann sigast, at av tí at veiðuloyvini fella burtur, verða rættindini hjá fiskimanninum burtur. Sjálvt frábýtisrætturin fellur burtur. Frábýtisrætturin er tann rættur, sum fiskimenn í dag hava at selja sín part av veiðuni, um teir ikki eru nøgdir við prísin á fiskinum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur