Fiskimálaráðið tók loyvini frá Atlantsfarinum, sum P/F Northwestpelagic eigur í 2016. Hesi loyvi eru síðan latin til hini feløgini í bólkinum, sum Atlantsfarið hoyrir til. T.v.s. at kvotan hjá Atlantsfarinum nú verður fiska av teimum, sum uppskotið um Sjófongi sigur verða ov stórar.

Orsøkin var eigaraviðurskiftini. Tað var ávíst stríð um loyvini. Ætlanin var hjá gamla stjóranum at flyta loyvini til annað felag. Tað er ein longri søga. Og har eru nógvar ymiskar upplýsingar. Innlit í málið vísur, at talan er um mótstríðandi frágreiðingar. Og sami partur hevur eisini givið ymiskar upplýsingar. Eisini eru fleiri útgávur av sannleikanum í skjølum, har revsiábyrd er um upplýsingarnar ikki eru rættar.

P/F Northwestpelagic metir seg at hava eina sera góða sak. Stevningin er latin rættinum fyri tíð síðan. Í seinastu viku svaraði advokaturin hjá Fiskimálaráðnum. Hetta var sjálvandi gjørt umvegis Føroya Rætt.

Rokna verður við at málið tekur drúgva tíð. Roknast má eisini við at málið verður kært til Landsrættin.

Daglønin hjá Atlantsfarinum var ein tann stórsta í Pelagiska flotanum í 2015.