Áhugaverd bretsk hagtøl
70% av vaksnum bretum halda, at lufthitin kring heimin hækkar. 13% halda tað ikki, harav 17% av teim ivasomu eru menn og bert 11% kvinnur.-------
2/3 av teimum, ið byrjaðu á bretskum universitetum í heyst, eru kvinnur og bert 1/3 menn. Skjótt verða kvinnur meiriluti av bretskum akademikarum. Nógv fleiri menn enn kvinnur lesa enn náttúruvísindi, verk- og teldufrøði o.t., meðan kvinnur hava yvirvág í hugfrøði, teimum “bleytu” lærugreinunum.
-----------------------
Kanska hava bretskar mammur spilt síni børn: Kommunal arbeiðsfólk beindu burtur 300 tons av ruski og avfalli eftir Notting Hill festivalin í summar. Hetta var tó lítið av miklum. Eftir Glastonbury festivalin lógu 750 tons av óhundsku og sløddust, sum eisini kommunal starvsfólk máttu rudda burtur.
-----------------------
Talið á bretum yvir 90 ár, sum hava koyrikort, er nú farið upp um 100.000!
----------------------
Í miðal gekk hvør breti 150 km íalt í 2016, tað er 19% (1/5) minni enn í 2002.
---------------------
Bretska, franska, norska og indiska stjórnin hava bundið seg til, at eftir 2040 verða bert el-bilar á teirra koyrivegum. Longu frá 2019 ger Volvo bert el-bilar.
Hetta eru høg mál, tí í dag verða 100 bensin/dieselbilar keyptir fyri hvønn el-bil. Tað tekur enn minst 20 min. at løða ein el-bil til at koyra 100 km. Tað tekur bert 5 min at fylla ein bensin- ella dieseltanga til at koyra 600 km.
Væntandi fara bensin/dieselbilar longu um 10 ár at koyra dupult so langt, altso yvir 30 km/lit, sum í dag. Men somu verksmiðjur gera el- og bensinbilar.
Tað fer at krevja 10-tals milliónir el-løðistøðir og risa nøgdir av kolvetni til at framleiða nóg nógva elorku at klára eftirspurningin av el-orku til el-bilar. El-bilar verða neyvan kappingarførir við bensinbilar í prísi, tá staturin noyðist at sleppa studninginum, ið el-bilar nú fáa fyri at trýsta fólk til at keypa teir.
Mest lisið í farnu viku
Samband
Heygsvegur 8
490 Strendur