Irak lækkar hjúnaaldurin niður í 9 ár
Irakiska lóggávutingið hevur “fyribils tikið undir við”, at hjúnarlógin frá 1959 verður broytt, so at menn nú sleppa at velja sær komandi brúðrar úr verandi 15 niður í 9 ára ára aldur.
Sambært galdandi hjúnalóg í Irak er giftingaraldur 18 ár, men foreldur og/ella vaksin maður kunnu avtala hansara hjúnalag við gentuna, tá hon er 15 ár.
Men irakiska tjóðartingið arbeiðir nú við eini broyting til hjúnalógina, so at menn (og/ella barnaforeldur) sleppa at avtala hjúnaband millum drong ella mann og gentu frá 9 ára aldri.
9 ár var aldurin hjá yngstu konu Mohammeds profet (av 10), tá hann í 7. øld e. Kr. tók hana til sín sum konu, eftir at hann hevði fingið (ella tvingað) loyvi foreldra hennara, tá hon var 6 ár. Tí kalla fólk, ið ræðast islam og islamistar, Mohammed pedofil ella barnalokkara.
Heather Nauert, talskvinna fyri amerikanska uttanríkisráðið, hevur alment boðað frá, at hóast stjórnin í USA vanliga ikki leggur seg út í lóggávuna í fremmandum londum, so fordømir Washington hesa lógarbroyting, sum tjóðartingið í Bagdad nú tekur undir við.
“USA viðmerkir sjáldan lóggávu í øðrum londum, men vit fordøma, at børn verða tvingað til at giftast vaksnum. Vit hava bart ISIS niður, m.a. tí hesin islamski terrorherur í áravís hevur rænt, fongslað, pínt, neyðtikið og gift burtur smábørn,” sevði Nauert við miðlarnar.
Talskvinnan hjá Trump-stjórnini legði aftrat: “Vit eru hart ímóti, at nakar vaksin giftist einum barni. Eitt barn er eitt barn.”
UNICEF eitur undirdeildin hjá ST, ið fæst við slíkt sum hjúnaaldur í islamskum londum. UNICEF hevur hagtøl, ið vísa, at 25% av muslimskum gentum (t.e. 4. hvør) giftist 18 ára gomul, og 5% (20. hvør) giftist bert 15 ára gomul.
UNAMI hevur ábyrgd av Irak í ST, skjýtur upp fleiri samráðingar, áðrenn lógarbroytingin hjá Irak um gentur 9 ár verður sett í gildi. Hetta fyri at tryggja javnrætt millum kynini.
Hugsandi vesturlendingum býður í látur, tá ein sammetir, hvussu kávalátið UNICEF og ST eru. Hesir altjóða felagskapir hava 56 muslimsk limalond (1/4 av øllum heimsins londum).
Tað eru hesir felagskapir, sum 5. hvørt ár krevja Føroya landstýri at standa skúlarætt fyri hørðum ST-krøvum um korini og rættindini hjá føroyskum kvinnum og børnum, samstundis sum hesir korruptu harrar (eingin fólkavaldur) sleiska og krúpa fyri øllum ólíkindum hjá heimsins muslimsku og ódemokratisku bandittstatum, ið eru um at taka valdið í heiminum.
Mest lisið í farnu viku
Samband
Heygsvegur 8
490 Strendur