- Vit skulu allatíðina tillaga útbúgvingarútboðið til tørvin á arbeiðsmarknaðinum, so vit útbúgva ungdómin til tað, sum tørvur er á í framtíðini. Tí eru eg fegin um, at universitetini hava tikið stig til nýggjar útbúgvingar innan KT-økið og í robottøknifrøði.

- Brúk verður í stóran mun fyri lesandi við skili fyri mest framkomnu tøknifrøðini í framtíðini, skrivar Søren Pind, útbúgvingar- og granskingarmálaráðharri, í tíðindaskrivi sambært Ritzau.

Hann heftir seg samstundis við, at smærri býir sum Kolding, Sønderborg og Holbæk hava fingið góðkent nýggjar útbúgvingar.

- Útbúgvingartilboð skulu eisini vera uttanfyri stóru universitetsbýirnar, og hetta er í samsvari við málini hjá stjórnini um eitt Danmark í betri javnvág, sigur ráðharrin.

Í smærru býunum eru útbúgvingar góðkendar innan skatt, sjúkrarøkt og elektronikk, meðan stóru universitetsbýirnir Keypmannahavn, Aarhus og Aalborg hava fingið góðkent meiri tekniskar útbúgvingar.