Spreingingin á einum gassverki í Eysturríki fær avleiðingar fyri gassveitingina kring Evropa, og veitingin til Italia kann vera serliga hart rakt.

Sambært italska gassveitaranum Snam Rete Gas hava italsku myndugleikarnir kunngjørt, at teir nú standa í eini "neyðstøðu", og at teir hava sett neyðtiltøk í verk.

Tað skrivar felagið í tíðindaskrivi sambært e24.no.

Gassprísirnir fóru uppí loft eftir spreingingina. Sambært Financial Times hækkaðu stuttu gasssáttmálarnir í Bretlandi við 40 cents til 95 pence per therm – tað mesta síðani 2013.

Gassspreingingin hendi á gassverkinum hjá eysturríkska felagnum OMV í Baumgarten an der March eystanfyri Wien, nærindis markinum til Slovakia.

Hetta er ein av størstu innflutningsæðrunum fyri russiskum gassi til Evropa, og harumframt fær verkið gass úr Norra og fleiri øðrum londum. Verkið flytir sambært NTB umleið ein tíggjundapart av øllum gassi, sum verður brúkt á evropeiska marknaðinum. 

Spreingingin hendi eftir eitt tekniskt mistak, boðaði løgreglan frá á Twitter. Vanlukkan hevur kravt minst eitt mannalív og í minsta lagi 18 fólk eru løstað.