Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Norðheim veiddi 4.000 tons av jákupsskeljum í fjør

Fiskivinna, Innanlands | 12/01 09:00
Norðheim er einasti skeljabáturin í Føroyum. | Mynd: Birgir Waag Høgnesen.

Skeljabáturin Norðheim verður væntandi á Oyri seinnapartin av øðrum túrinum í ár. Fyrsta túrin fekk hann 38 tons av jákupsskeljum, og tá vit tosaðu við teir seinnapartin í gjár, vóru teir nøgdir, um teir fingu nøkur og fjøruti tons tilsamans henda túrin. Teir høvdu tá fingið 23 tons.

- Vanliga eru vit úti tvey samdøgur í senn, so jákupsskelin er so fesk sum gjørlig, tá hon verður landað til Skeljavirkið á Oyri, greiðir skiparin, Tóri Simonsen, frá í telefonini.

Hendan túrin byrjaðu teir at dreggja um átta-tíðina í fyrrakvøldið.

Teir vóru staddir 12 fjórðingar eystur úr Borðuni, tá vit tosaðu við teir seinnapartin í gjár. Har plaga teir eisini vanliga at dreggja.

- Veðrið hevur darvað veiðuni hjá okkum í seinastuni, og tí hevur hon eisini verið í heldur lakara lagi, heldur Tóri Simonsen fram.

- Báturin kann annars taka 60 tons.

4.000 tons í fjør

Norðheim er einasti bátur í Føroyum, ið dreggjar eftir jákupsskeljum - og tað hevur hann nú gjørt í samfull 40 ár ella har á leið.

Skipið er bygt í 1966 og er sostatt 52 ára gamalt. Tað hevði heimstað í Fuglafirði, áðrenn Skeljavirkið yvirtók skipið í áttati-árunum.

Í fjør var samlaða veiðan hjá Norðheimi góð 4.000 tons.

Teir fáa 1,40 krónur fyri kilo. Tá er tað við heilari skel.

Veiðan er minkað seinastu árini, men tað hevur gingið upp og niður øll árini, eins og á so mongum øðrum økjum, uggar skiparin seg við.

- Tíggju mans eru knýttir at skipinum, fimm á hvørjum túri, og vit trívast allir væl umborð, sigur Tóri Simonsen og leggur aftrat, at Norðheim hóast høga aldur sín roynist sera væl.

Send til Vjetnams

Á Oyri verða jákupsskeljarnir loyptir og frystir í blokkar. Síðani verða teir sendir til Vjetnams til víðari góðskingar.

Haðani koma teir aftur til Evropa, har eftirspurningurin eftir forkunnuga matinum er serliga stórur í Miðjarðarhavslondunum.

Jákupsskeljaveiðan varir vanliga frá hálvum august til 1. apríl, tá Norðheim verður lagdur, inntil veiðan verður tikin upp aftur.

- Vit hoyra til Thor-samtakið, so í tíðarskeiðnum harímillum verða vit fluttir umborð á onnur skip hjá teimum umframt at ymiskt viðlíkahaldsarbeiði verður gjørt umborð á Norðheimi.

- Í millumbilinum gleða vit okkum so bara til at sleppa avstað aftur, tí hetta dámar okkum nú einaferð best, flennir Tóri Simonsen.


Lagt út: Leivur Hansen
Lýsing
Mest lisið í farnu viku
Hvat bagir í Kringvarpi­num?
Frank Skorastein tekur eitt óvanligt stig
5 familjur og 9 børn í skúlaaldri flyta til Fugloyar
Tað kann ikki passa!
Ókendur harðskapur. Fólk líða undir og liva í sálarligum harðskapi uttan at vita av tí, sigur leiðarin í Kvinnu­húsi­num, Elin Reinert Planck
So vakni føroyingar!
Undarlig bygging á Karlamagnusarbreyt
Havnin skelvur orsaka av spreinging
Føroysk skip sleppa ikki at avreiða og eru avmarka í at fiska
Geitarkál - eitt vanligt ókrút sum er sunt at eta
Samrøða við Ann Leivskarð, ið hevur hárfríðka­nar­stovu beint við Ráðhúsplássið í Keypmannahavn
Tvífalda mongdina av hoyggi við lívd
Rigmor Dam: Eftirlitið við bæði frískúlum og fólka­skúlum kundi verið betri
Sjónband: Venjarin hjá KÍ útvístur
Fiskimála­ráð­har­rin skal einsamallur avgerða hvør fær menningar­kvotur
Løgreglan skrivar parkeringsbót til fiskimenn sum gera klárt til næsta túr.
Viðmerking til 5. part í sendirøð­ini “Gud signi Føroyar.”
Vespureiðrið (7) - 16. apr. 2018
NOVA úr Suðuroynni - Sending 2
Prát við Jens Meinhard Rasmussen, formann í Reiðara­felag­num fyri Farmaskip
Rokfiskarí av toski uppi í sjónum
Páll á Reynatúgvu hevur egið broytingar­uppskot til pensjónsný­skipanina
Tá hanarnir gala - og halda, at teir fingu sólina at rísa
Tvístøða kjaksending 33 - Øll sendingin
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi