Færri svørt arbeiðsleys undir Trump enn nakrantíð fyrr í USA
Almenn amerikansk hagtøl streyma inn longu fyrstu dagarnar í januar, og tey vísa uttan undantak stór framstig, eftir at USA slapp av við Hussein Obama.
CNN, mesti “fake news” miðil smbr Trump forseta, viðgekk, at desember, tá skattaábótin var komin á stokkin, royndist eins væl og miðal fyri alt 2017.
Hagtølini, ið vaktu mest ans, guldu svartar amerikanarar, ið nú eru til verka í størri tali enn nakrantíð fyrr í amerikanskari søgu, smbr Labor Dep. Statistics.
Arbeiðsmarknaðurin er heitari enn sjálvt virðisbrævaskálin í Wall Str. 2 mió arbeiðspláss løgdust aftrat í 2017, og bert í desember komu 148.000 fleiri.
Arbeiðspláss í ídnaðarframleiðslu eru økt 200.000, fyrsta øking í áravís.
210.000 fólk fleiri arbeiða í byggivinnu, 250.000 fleiri á matstovum. 300.000 fleiri arbeiða í heilsuvinnuni, helvt almenn og helvt privat.
Arbeiðsloysið í USA er nú bert 4 %, og fólk, ið hvurvu úr vinnuhagtølunum av vinnufíggindaliga politikkinum hjá Obama, streyma nú út á arbeiðsmarknaðin.
Ongantíð hevur arbeiðsloysistalið millum svartar amerikanarar verið lægri enn nú, 6,8%. Miðlarnir í USA, ið flestir hata Trump, tí hann er høgravendur, binda nú knút á halan fyri at burturforklára, at eisini svørt í 1000-tali fáa framgongd.
Virðisbrævamarknaðurin í Wall Street setti sítt egna vakstrarmet 9 av ársins 12 mánaðum, og íalt er Dow Jones vísitalið hækkað 25% fyri árið, eisini met.
Hækking í virðisbrøvum gagnar mest pensjónsgrunnum, har løntakarar og eldri borgarar hava sínar tryggingaruppsparing, so tey fáa størri pensjón.
Skattakollveltingin beint fyri jól gagnar 80% av amerikanskum familjum, ið fáa 15.000 kr minni skatt í miðal í ár, og tvífaldar barnafrádráttin upp í 10.000 kr.
Partafelagsskatturin fall úr 35% niður í 21% 1. január, so at amerikanskar fyritøkur taka billiónir av dollars heim úr útlondum og gera íløgur í USA.
22 vinnudarvandi reglugerðir eru settar úr gildi fyri hvørja nýggja, sum hevur fingið gildi. Kolvetnisvinnan er loyst úr fjøgtrum, og 1000-tals fyritøkur hava av gleði longu goldið milliónum av arbeiðarum $ 1.000 kr í miðal bónus til jóla.
“Make America Great Again,” Donald Trump, fyri øll, eisini svørt og miðal fólki
Mest lisið í farnu viku
Samband
Heygsvegur 8
490 Strendur