Nú situr brasilski formaðurin í OL-nevndini, Carlos Nuzman, í varðhaldi, meðan rættarmál verður fyrireikað ímóti honum. Hann stóð fyri bjóðingini tá ið londini kappaðust um, hvat skuldi verða kosið vertsland fyri leikirnar.

Nuzman er illtonktur fyri at hava handfarið flyting av 2 mió $ (= 15 mió kr) ímillum ein brasilskan handilsmann og Lamine Diack, nevndarlim í IOC, sum bleiv vanærdur fyri at hava tikið ímóti og hvítvaskað hesar milliónirnar.

Diack varð tikin bert 2 dagar, áðrenn Rio de Janeiro vann kappingina um at hýsa leikunum. Peningaflytingin varð sporað til ein sveisiskan banka.

Nuzman skal vænta sær harðari dóm, tí hann hevur roynt at forða, at peningasvikið varð avdúkað, og at alt er komið í ljósmála.