Myndarøð: Væleydnað seymiskeið fyri nýbyrjarar
Nógv gott kom frá hondini teir 4 dagarnar, tá ið 6 kvinnur royndu seg við seyming
Frá 16.-19. januar var seymiskeið á byrjanarstøði hildið á Føroya Fólkaháskúla.
Tað var Føroya Fólkaháskúli sum stóð aftanfyri skeiðið og Elin Lindenskov var lærari. Skeiðið vardi umleið 15-18 tímar yvir 4 dagar.
Vit vóru 6 kvinnur á skeið og eingin kendist frammanundan, men tá ið skeiðið var av, var tað sum at vit høvdu kenst leingi. Hýrurin var góður á seymistovuni og hóast vit arbeiddu alla tíðina, so var eisini prátað. Um nátturðatíð var boðið til nátturða og hetta kom okkum dátt við, tí vit vistu ikki at nátturði var við í prísinum. Maturin var góður; har var bæði heitt og kalt, sunt og ikki-so-sunt og fleiri ymisk breyð.
Sjálv legði eg út við at seyma eina toiletttasku og síðani eitt skjúrt, men hinar seymaðu innkeypsposar, barnaklæði, klæði til vaksin og taskur til stokkar. So har var eitt sindur av hvørjum. Tað gekk sera væl, tí vit fingu so góða hjálp frá Elini, sum hevði sera gott tol og hjálpti okkum øllum. Hon hevði eisini nógv at fortelja um tey ymsu tólini, sum skulu ella kunnu nýtast til toyið og til maskinurnar. Vit høvdu egnar seymimaskinur við, soleiðis at vit kundu læra at nýta okkara egnu maskinur.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur