Suðuramerika: Krypto-gjaldoyra, lekkur borgarstjóri og ævigur forseti
Suðuramerika hevði ein fúlan søguligan arv at bera, longu áðrenn Frans pávi kom omaná, jesuittur, kommunistteologur, PLO-elskari og demokrati-hatari.
Her eru tríggir tíðindastubbar av suðurhálvu í vestri. Fyrst til sosialistiska og tí falleraða Venezuela, hvørs marxistiski leiðari boðar frá nýggjum gjaldoyra.
Nú “bolivarurin” aftur hevur mist 57% av sínum virði í desember orsakað av 900% prísflóðini árliga, so at ein US-dollari nú kostar 100.000 bolivarar svart.
Maduro fer nú undir at brúka gjaldoyrað “petro”, sum skal ankrast í landsins olju, gass, gull og diamanter til at halda virðinum uppi.
Fólkið fær einki gagn av hesum ráevnaríkidømi. Sosialistiska stjórnin fer ikki at broyta búskaparligu fortreytirnar, so fría fallið heldur fram. Eitt “bitcoin” bjargar ikki venezuelum undan tí vanlukku vinstrakós, oljulandið heldur.
Maduro gevur útlenskum kapitalistum og USA skyldina fyri hungursneyðina.
Tekkiligasti borgarstjórin í Brazil svikað fyri 40 mia. kr.
Ein kvinnuligur borgarstjóri í landnyrðingsbrazil er júst dømd 14 ár fyri at hava stolið 40 mia kr. Lidiane Leiti stýrdi sínum kommunalu starvsfólkum gjøgnum sína WhatsApp. Sjálv dusaði hon sær í stórbýnum Sao Luis, 300 km burtur.
Tá Leiti hevði vunnið býráðsvalið í 2012, setti hon sjeikin sum aðalráðgeva, hóast hann hevði fingið forboð móti politiskum virksemi eftir eina muturgølu. Sjeikurin rennur undan løgregluni, men er dømdur 18 ára fongsul fyri stuldur.
Lóg og reglur eingin forðing hjá bolivianska forsetanum
Einasti innføddi indianski forsetin í Suðuramerika eitur Evo Morales. Hann hevur síðan 2006 stýrt tí blóðfátæka Bolivia, einasta landi á tí meginlandinum við indianskum meiriluta, hvørs høvuðsinntøka er coca-bløð og narkotika.
Triði fyrimunur hjá Morales er, at hann er vinstrahallur og tí tilbiðin av heimsins sosialistum. Tey fyrigeva honum alt, eisini at hægstirættur í Sucre gav honum loyvi til at stilla upp í óavmarkaða tíð, hóast lógin forðaði tí, og hóast 51% av fólkinum atkvøddi nei til, at hann stillar uppaftur aftur og aftur.
Men ein indianari og afrikanari sleppur væl frá øllum, tí vit hvítu eru rasistar.
Mest lisið í farnu viku
Samband
Heygsvegur 8
490 Strendur