Smuglingin av fiskaflaki úr Norra vindur upp á seg
Norska tollvaldið boðar frá stórari øking í smuglingini av fiski annað árið á rað. Tollvaldið legði hald á meira enn 11 tons av fiskaflaki í fjør. Tað svarar til 37 tons av rundum fiski.
Hetta er nógv meira enn í 2016 og er rættiliga ørkymlandi, skrivar Fiskaren.
Ikki minst, tí veruliga smuglingin helst er munandi størri, skrivar blaðið og setir spurnartekin við, um myndugleikarnir gera nógmikið við at steðga streyminum av ólógligum fiski út av landinum.
Flak og kongakrabbi
Á norðurnorsku marknastøðunum steðgaðu tollararnir smuglarum við 4,4 tonsum av fiskaflaki í fjør. Harumframt varð hald lagt á 159 kilo av kongakrabba.
Í 2016 varð til samanberingar hald lagt á 2,6 tons av flaki og 45 kilo av kongakrabba. Talan er um eina øking upp á umleið 70 prosent.
Samanlagt løgdu tollararnir í fjør hald á 11,2 tons av fiskaflaki.
Bótin ov lág
Loyvt er hjá gestum úr skrásettum fyritøkum at taka 20 kilo við sær út av landinum. Øll onnur kunnu bert taka 10 kilo við sær.
Verður tú tikin við ov nógvum fiski, er bótin 100 norskar krónur fyri hvørt kilo omanfyri loyvda markið.
-Bótin er alt ov lág og eigur at verða hækkað munandi, mælir Fiskaren til.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur