Íslendsk lodnuskip hava rokveiðu - norðmenn á veg
Íslendsk skip hava fingið sera nógva lodnu seinastu dagarnar, skrivar Sildarvinnslan á heimasíðu síni.
Beitir NK landaði sløk 2.000 tons í Neskaupstaði sunnudagin, og ígjár landaði Bjarni Ólafsson AK stívliga 1.000 tons.
Börkur NK er á veg inn við 2.100 tonsum.
Rokveiða
„Veiðan hevur verið stak góð, og lodna er í einum stórum øki. Tað eru kanska 20 fjórðingar millum skipini, og tey lata øll væl at. Vit fingu tildømis 1.600 tons í 16 tímar. Í síðsta hálinum drógu vit í seks tímar og fingu 660 tons. Talan er í roynd og veru um rokveiðu. Nú bíða menn spentir eftir niðurstøðuni hjá rannsóknarskipunum. Tvey íslendsk og eitt grønlendskt skip hava gjørt mátingar í seinastuni. Eg eri bjartskygdur um veiðuna í ár. Lodna er at fáa víða um, og hon er bæði stór og feit,“ sigur Hjörvar Hjálmarssyni skipari á Børki sambært heimasíðu Silsdarvinnslunnar.
Norðmenn á veg
Eitt norskt lodnuskip, Endre Dyrøy, er eisini komið á leiðina, og sum skilst eru fleiri norsk skip aftrat væntandi á fiskileið í næstum.
Føroysku skipini sleppa ikki avstað, so leingi sum ongin fiskiveiðuavtala er millum londini bæði. Enn røkist onki fyri, at samráðingarnar millum partarnar verða tiknar upp aftur í bræði. Naggatódn hevur verið í samráðingunum síðani miðjan desember.
Tað gera íslendsku lodnuskipini, sum annars skuldu verið á svartkjaftaveiðu undir Føroyum, sær nú dælt av í egnum sjógvi, samstundis sum føroysku skipini ótolnast eftir eini loysn.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur