Ætla at økja rækjuveiðuna í Barentshavinum
Norska fiskimálaráðið ætlar at økja veiðuna eftir rækjum í Barentshavinum. Í hesum sambandi er hoyringarskriv sent út um møgulig tiltøk til tess at røkka málinum.
Vantandi lønsemi hjá norska rækjuflotanum er ein stór avbjóðing. Tí ætlar stjórnin at hyggja at tiltøkum, sum kunnu tryggja meiri rækjuveiðu í Barentshavinum - og harvið meira ráevni til norðurnorska rækjuídnaðin.
- Lívfrøðiliga er tað forsvarligt við eini munandi øking í rækjuveiðuni, sigur Per Sandberg fiskimálaráðharri í tíðindaskrivi frá fiskimálaráðnum.
Ráðið biðjur hoyringarstovnarnar og onnur siga sína hugsan um alternativu tiltøkini, sum eru nevnd í hoyringarskrivinum.
Alternativu tiltøkini
Treytin fyri at fáa loyvi at royna eftir rækjum í Barentshavinum er, at skipini eru í minsta lagi 19,81 metrar long.
Alternativu tiltøkini eru at taka passiv rækjutrolloyvi inn aftur, økja longdarmarkið sum treyt um loyvi, strika longdarmarkið og harvið treytina um loyvi, ella strika longdarmarkið og treytina um loyvi umframt at taka øll rækjutrolloyvini inn aftur.
- Tá tillutað rækjutrolloyvi ikki hava verið nýtt í serligan mun eina tíð, so fellur grundgevingin fyri galdandi skipan við rækjutrolloyvum burtur. Tí er natúrligt at umhugsa at strika slíkar ásetingar, sum onga serliga funksjón hava og harumframt forða nýggjum aktørum at sleppa framat, sigur Per Sandberg í tíðindaskrivinum.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur