Lýsa eftir nýggjum fyrisitingarstjóra
Á býráðsfundi hóskvøldið skal býráðið taka støðu til lýsing eftir nýggjum fyrisitingarstjóra, eftir at Ingunn Eiriksdóttir herfyri fór í starv sum stjóri í Betri. Umframt frammanundan settu høvuðsuppgávurnar verður mælt til, at fyrisitingarstjórin fær til uppgávu at talgilda kommununa.
Høvuðsuppgávurnar hjá fyrisitingarstjóranum annars eru at tryggja, at miðfyrisitingin er før fyri at veita borgarum og vinnulívi í kommununi eina dygdargóða tænastu, at miðfyrisitingin veitir politisku skipanini holla ráðgeving og saman við hinum stjórnarlimunum at tryggja, at kommunan hevur fullgóða fíggjarstýring og fremur úrslit.
Fyrisitingarstjórin skal tryggja, at leiðslubólkurin á miðfyrisitingarøkinum virkar sum ein savnað, samskipandi og strategiskt hugsandi eind og menna miðfyrisitingina sum eitt gott og virkið arbeiðspláss við týðiligum virðum og greiðum málum.
Fyrisitingarstjórin skal eisini saman við hinum stjórnarlimunum fyrireika og menna kommununa fakliga og fíggjarliga, soleiðis at hon kann taka við teimum avbjóðingum og uppgávum, sum eru lagdar kommununum at umsita, herundir eisini at kommunan er klár til at at taka við teimum møguleikum og fyrimunum talgilding hevur við sær.
Fyrisitingarstjórin mannar annars stjórnarbólkin saman við borgarstjóranum, kommunustjóranum, tekniska stjóranum og trivnaðarstjóranum. Fyrisitingarstjórin hevur ábyrgdina av fíggjarøkinum, KT-økinum, starvsfólkaøkinum og borgaratænastuøkinum, Snarskivuni.
Tórshavnar Kommuna
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur