Heimsins bestu og vánaligastu lond í 2017 funnin
Tveir óheftir granskingarstovnar, Fraser og Cato Institute, leggja hvørt ár ein lista við vísitølum yvir flestu heimsins lond, frá teim bestu til tey ringastu at búgva og virka í.
Listin ber heitið “Human Freedom Index”. Lond sum Norðurkorea eru ikki við, tí haðan fáast ikki álítandi tøl, bert sosialistiskar lygnir.
Fraser og Cato byggja sína árligu meting á hagtøl um m.a. búskap, handil, sosial kor, útbúgving, skattatrýst, kvinnurættindi, trúarfrælsi, lóg og landaskil, persónliga trygd, privatan ognarrætt, pressufrælsi, pengatrygd, alment regluverk o.t.
Londini flyta seg ikki nógv upp og niður á listanum, tí broytingar í flestu londum henda so líðandi og sjáldan í stórum rykkum.
Tey 11 heimsins lond, ið veita Heimsins 11 ringastu lond at búgva
sínum borgarum og vinnulívi og at arbeiða í eru hesi:
best frælsi eru í hesi raðfylgju:
1. Sveis 149. Saudi Arabia
2. Hong Kong 150. Burundi
3. Ný Zæland 151. Miðafrikanska Lýðveldið
4. Írland 152. Dem. Lýðv. Congo
5. Australia 153. Algeria
6.Finland 154. Iran
7. Noreg 155. Egyptaland
8. Danmark 156. Yemen
9. Háland 157. Libya
10. Bretland 158. Venezuela
11. Kanada 159. Sýria
Hvat nummar er Svøríki á listanum? Svarið er nr. 13. USA liggur heilt niðri á nr. 17 eftir at hava ligið uppi ímillum tey 5 bestu londuni fyri 30 árum síðan.
Ísland liggur heilt niðri á nr. 31, tí Ísland hevur ein hart reguleraðan búskap.
Flestu ES lond liggja millum heimsins 50 frægastu lond at búgva og virka í.
Í hinum endanum ber til at siga tað felags, at tey flestu vána londini eru at finnaí 3. heimi, serliga Afrika, tey eru muslimsk og sosialistisk lond. Fleiri av botnskravarunum eru lond í borgarakríggi.
Eitt topp-land sum Hong Kong var blóðfátækt fyri 50 árum síðan, men tess fríi búskapur, lági skattur, góða sosiala og rættartrygd, persónsfrælsi, útbúgving o.t. ger Hong Kong til heimsins næst ríkasta og besta land at búgva og virka í.
Tað tekur bert fáa tímar at fáa eitt vinnuloyvi til at reka eina fyritøku í heimsins bestu londum. Í New York tekur tað mánaðir, og í India loysir tað seg ikki at royna. Tí eru útlitini hjá einum landi sum India døpur.
Summi lond, serliga tey (fyrr) kristnu Vestanlondini gerast ríkari og betri hjá fólkinum at búgva og arbeiða í, meðan heimsins pesthol (“lortalond”, sum Donald Trump kallar tey) gerast verri og verri, av eitt nú korruptión, almennum krakkaveldi, islam, yvirgangi og fávitsku.
Ei undur í, at USA nú roynir at broyta streymin av tilflytarum, so at fleiri tilflytarar við førleikum og útbúgving koma úr framkomnum londum, og færri tilflytarar uttan førleikar, málkunnleika, mentan ella útbúgving koma úr 3- heimslondum.
Sama átti at verið galdandi fyri Evropa.
Mest lisið í farnu viku
Samband
Heygsvegur 8
490 Strendur