Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Vakna rópar sambandsmaður!

Lesarabrøv, Politikkur | 09/02 20:58

Í áhaldandi royndunum at skapa øsing sendi Bárður S. Nielsen í seinastu viku eitt lesarabræv út við yvirskriftini ”Nú má Javnaðarflokkurin vakna!”

Boðskapurin er ein vavgreytur av mótvilja og sjálvfylgjum, og tað er torført at fáa eyga á, hvat Bárður S. Nielsen vil við hesum lesarabrævi - annað enn at skapa øsing og klandur á heimliga pallinum um arbeiðið við stjórnarskipanini.

Bárður S. Nielsen leggur fólk undir at skapa øsing, bæði í ríkinum og á altjóða pallinum. Men eingin roynir sum hann sjálvur at skapa øsing og at ræða fólk, nú stjórnarskipanin aftur er á skrá, og nú samgongan við løgmanni á odda megnar at loysa eitt stórmál fyri og annað eftir.

Støðug mjarran
Í lesarabrævinum førir sambandsformaðurin fram, at ’elitan’ í samgonguni hevur sum høvuðsætlan at skapa konfrontatión í ríkinum, og at sokallaða ’stjórnarskipanin’ skal til fólkaatkvøðu, sum er fyrsta stigið til at taka Føroyar úr ríkinum. Kryptiskar og ógreiðar orðingar, og ringt er at fáa eyga á, hvør veruligi trupulleikin er. Annað enn, at Bárður S. Nielsen sum ikki eina ferð tekur frástøðu frá øllum politiskum virksemi, ið ikki slær fast við sjeytumma seymi, at vit antin standa í stað ella flyta okkum aftureftir.

Uppgevandi og uttan íhald mjarrar Bárður S. Nielsen um líkt og ólíkt. Fyri tíðina er tað so arbeiðið við stjórnarskipanini, sum fær sambandstoyggið, og í hesum føri er Bárður S. Nielsen katólskari enn pávin. Tí Lars Løkke Rasmussen hevur alment gjørt greitt, at eingir trupulleikar eru við at góðtaka orðingarnar í uppskotinum til stjórnarskipan, sum hevur verið til hoyringar, og sum í løtuni er til viðgerðar í §25-nevnd í løgtinginum.

Einki er at ræðast
Hvat vil sambandshøvdingin so? Well, hann var ímóti borgararættindum fyri samkynd. Hann var ímóti eini nýskipan í fiskivinnuni. Hann er ímóti eini loysn á pensjónsøkinum. Og nú stendur hansara frumræðsla, fyri at tað allarminsta pettið skal henda á politiska pallinum, so aftur í ljósum loga.

Men her er einki at ræðast, heldur ikki fyri ein sambandsmann. Talan er um eina stjórnarskipan, eitt skjal, sum staðfestir samleika, vald og onnur grundleggjandi viðurskifti.

Fólkaatkvøðan gevur fólki møguleika at taka støðu til nakrar grundleggjandi demokratiskar grundreglur, sum vit ikki áður hava tikið støðu til.

Standa saman
Bárður á Steig Nielsen kemur við eini áheitan um, at vit skulu standa saman um tey góðu viðurskiftini, vit hava. Kundi ikki verið meira samd, og royndir okkara vísa eisini, at tað ber til at samstarva og vera saman í friði, hóast grundleggjandi ósemjur. Fari tí at senda hesa stórbæru áheitan aftur til Bárð S. Nielsen, tí tað hevði klætt honum at víst í verki, at eisini hann hevur ein vilja til politiskar loysnir.

Kristianna Winther Poulsen, 
tingkvinna fyri Javnaðarflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Nýtt missións­hús verður vígt á Strondum leygar­dagin
Tríggjar útstykk­ingar í Runavíkar kommunu
Jóhann Lützen: Norðlýsið fer ongan veg.
Løgtingslimir eru mest yvirbetaltu starvs­fólk­ini í Landinum
Samrøða við Allan Samuelsen, ein av fyriskip­aru­num til Countryfestivalin 14.- 16. juni í Sørvági
Metár hjá Bakkafrost
Oasubrøður geva fløgu út í komandi viku
Býarmynd hvørvur
Kvinnu­ndirskotið veksur í góðum tíðum
Føroyska sildakvotan lækkar 37.000 tons
Tvøstpakkar
Hugnaløtan 13 - Gestur: Ben Arabo
Ein drápsmaður búði hjá okkum uttan vit vistu ikki av tí
Tvístøða kjaksending 27 - Øll sendingin
Valentine dagur: Treytaður kærleiki til norðingar
15-ára gamal deyður av ecstasy
At vaksa upp við foreldrum við álvarsamari sálarsjúku
Sjónband: Løtan tá VÍF gjørdist steypavinnari 2018
"Kom á 2069" - Sending 26
Ísland kann gerast fyrsta landið í Evropa at banna umskering
Tvístøða kjaksending 27 - Kvinnur hava sambært Bíbliuni skyldu at hava samlegu við sínum maka
Bakkafrost gjørdi spádómum til skammar
Brúgvin 79 - 12. feb. 2018
Íbúð upp á 15 fermetrar fór fyri 2 mió. kr. í Oslo
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi