Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nú skal bíðilistin til MR-skannaran á Landssjúkrahúsinum burtur

Lesarabrøv, Politikkur | 12/02-2018 12:04

Eg havi lagt fyri Løgtingið eitt uppskot um eykajáttanarløgtingslóg, har viðgerast skal ein eykajáttan uppá 1,6 mió. kr. fyri 2018 til Landssjúkrahúsið. Eykajáttanin skal tryggja fulla nýtslu av MR-skannaranum á Landssjúkrahúsinum

Orsøkin til, at biðið verður um hesa eykajáttan, er, at Landssjúkrahúsinum vantar pening til at kunna brúka MR-skannaran fult út.

Meira nýtsla av skannaranum vil stytta um bíðilistarnar fyri allar føroyingar, sum hava tørv á skjótari sjúkraviðgerð.

Sambært upplýsingum frá heilsumálaráðnum og landsstýriskvinnuni, Sirið Stenberg, greitt frá í svarskrivi, dagfest 22. januar 2018, verður MR-skannarin brúktur so nógv, sum starvsfólkaorka er til.

Víðari verður upplýst, at um skannarin skal nýtast meira enn nú, er neyðugt at knýta fleiri starvsfólk at MR-skannaranum. Hetta kann gerast antin við at økja játtanina til sjúkrahúsverkið, ella við at umraðfesta virksemið í sjúkrahúsverkinum, soleiðis at meira orka verður brúkt til MR-skanning, meðan minni orka verður brúkt til okkurt annað.

CT-skannarin verður brúktur hvønn gerandisdag, og eingin bíðitíð er til CT-skanning.

Um MR-skannarin skal nýtast hvønn gerandisdag, so er, leysliga mett, tørvur á tveimum radiograf-ársverkum afturat, svarandi til eina økta lønarútreiðslu upp á umleið 1 mió. krónur, árliga.

Við fleiri kanningum økist eisini útreiðslan til myndagreining (myndagreiningar verða vanliga keyptar frá serfrøðingum uttanlands). Landssjúkrahúsið metir, at eykakostnaðurin fyri myndagreiningar, um MR-skannarin arbeiðir 5 dagar um vikuna, fer at liggja um 600 tús. krónur, árliga.

Tá hart trýst er á útreiðslunum til sjúkraviðgerðir á Landssjúkrahúsinum, fer undirritaði at mæla til at veita eina eykajáttan til Landssjúkrahúsið fyri 2018. Løgtingið eigur at tryggja sær, at játtanin komandi árini er á einum slíkum støði, at allir skannarar verða fult út brúktir, patientunum til gagns.

 

Kaj Leo Holm Johannesen
løgtingsmaður fyri Sambandsflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Kaj Leo Holm Johannesen
Lýsing
Mest lisið í farnu viku
Eg vil biðja um treytaleysa umbering
Tey lærdu okkum at elska Frelsaran.
Rættvísgjørdur av trúgv 
Hugnaløtan (52) - Gestur: John William Joensen
Húsarannsókn hjá fleiri laksafyritøkum
Prát við Jógvan Poulsen og Tóra Højgaard um politisku støðuna í USA
Er tað ein fyrimunur at kenna tey røttu í Býráðnum?
Páll á Reynatúgvu umhugsar uppskot
R7 Premier League (37) - 18. feb 2019
Svenskt met í stórum afturparti
MYNDARØÐ: Stórur skaði við vøllin við Stórá
Myndarøð: stormur í Vági
At lúgva um sína trúgv eitur Taqiyyah og er loyvt einum muslimi
"Kom á 2069!" (49) - 15. feb 2019
Prát við Hera Mortensen
Prát við Jákup Vestergaard og Bjørt Samuelsen
Jóhann Lützen: Tjóðveldi ger einki við loysingina
Eg veit ikki, um eg fái takkað øllum nóg mikið
Frans pávi játtar, at Pávakirkjan brúkar nonnur sum sex-trælir
Samrøða við Danjal av Rana
Annika Olsen stillar upp
Føroysk genta skal vera maskottur á Anfield týskvøldið
Tíðindi klokkan 12
Lars Løkke Rasmussen sendir heilsan til KOKS og Poul Andrias
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi