Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Esla - nýggjur handil á Tvøroyri

Innanlands, Vinnulív | 13/02-2018 13:00

Nýggjur handil undir navninum Esla letur upp í hølunum, har John D. Hammer áður helt til á Tvøroyri. Tað eru tær báðar Laila A. Nielsen og unnustan Eva S. Berg, ið hava gjørt av at royna seg at reka handil, upplýsir heimasíðan hjá Tvøroyrar kommunu.

Tær báðar eru fyri stuttum fluttar heim.

Laila eftir at hava búleikast á flatlondum í 24 ár og Eva eftir “trimum og einum hálvum ári og einum degi”, sum hon tekur til.

Laila hevur drúgvar royndir innan handilsvirksemið í Danmark, har hon starvaðist í 10 ár sum varastjóri og tvey ár sum handilsleiðari. Nú, síðan hon kom heim, hevur hon starvast á Torginum í Vági.

Eva er lærari í Tvøroyrar Skúla og fer at halda fram við tí, samstundis sum hon fer at vera nógv í handlinum, tá hon ikki er upptikin í skúlanum.

Laila sigur við heimasíðuna hjá kommununi, at hetta hevur verið ein dreymur nærmast frá barnsbeini av, at sleppa at reka sín egna handil.

Partur av Samkeyp

Handilin verður partur av Samkeyp og fer at leggja seg eftir at veita alt innan kolonialtilfar.

Tær halda eisini fram við at selja skrivstovuútgerð og fara samstundis at selja nakað av ítrivstilfari og leikum.

Handilin verður opin allar 7 dagar í vikuni frá 09-22.

Tær hava keypt sær ein vørubil og fara at bjóða sær at koyra vøru um alla oynna, hvønn dag. Júst hvussu tær skipa tað, eru tær ikki heilt lidnar við enn, men ætlanin er, at til skal bera bæði at ringja eftir vøru og at senda teldupost.

Laila sigur, at tey fara eisini at hava nøkur heilt serlig vikutilboð, sum tey m.a. fara at lýsa við á Facebook – tær hava sett sær fyri at hava eina virkna Facebook-síðu.

Tær eru í ferð við at innrætta eitt “kafé-horn” í handlinum, so fólk kunnu seta seg niður og fáa sær ein kaffimunn, meðan tey brúka ókeypis internetið, ið verður á staðnum. Kaffikvørn hava tær eisini útvegað sær, og møguleiki verður at keypa alskins sløg av kaffi.


Lagt út: Leivur Hansen
Lýsing
Mest lisið í farnu viku
Á hummara­veiðu við Jón Andersen
Menningarkvota verður væntandi tikin aftur
Sagt verður at maðurin hevur onki stað longur
Heilsu­skúlin skal ikki flytast úr Suðuroynni
Mest seldi bilur broytir úrsjónd -og kemur aftur á marknaðin
Hví skal Gud signa Føroyar?
Fiskifrøði og gransking
Forsølan til Country & Blues festivalin 2019 er longu byrjað
FERÐALAG Í RUMENIA - 22 til 28. oktober
Frekvensbroyt­ingar hjá Lindini og R7
Aftursvar til Elsebeth Mercedis Gunnleygsdóttur
Føroyar tola ikki at Fólka­flokku­rin situr í andstøðu
Metis - Øll sendingin - 13. november 2018
Fiski­mála­ráðið ætlar at taka aftur loyvi til Menningar­kvotur
Myndir: Lands­fundur Fólka­floksins 2018
Niels Uni Dam um bókini hjá Høgna Rasmussen
"Kom á 2069!" (39) - 16. nov 2018
Magni og Mest gjørt avtalu
Fuglafjarðarsendingin (11) - 15. nov. 2018
TJÓÐBANKIN MISTEKUR SEG, TÍ HAGSTOVAN MISTEKUR SEG
Tað er ikki rætt, at hann ikki sleppur uppí
Tvístøða endur­sending í dag 16. nov. 2018
Tíðindi klokkan 12
Fólka­flokku­rin landsfund 17. november
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi