Fa. Verkon hjá Lars í Dalinum í Lamba lá best fyri í kappingini at fáa arbeiðið, skrivar kommunan á heimasíðuni.

Verkætlanin og arbeiðstøkan snúgva seg um 10 grundstykkir.

Í gjár hittust Lars í Dalinum og Torbjørn Jacobsen, borgarstjóri, í Ráðhúsinum í Saltangará, har teir skrivaðu undir arbeiðstakarasáttmála.

Ætlandi verður arbeiðið liðugt um hálvan august í ár.

Nakrar umsóknir liggja niðurfyri til hesa útstykkingina, og tey sum hava áhuga fyri at ogna sær grundstykki í Rituvík, kunnu venda sær til Runavíkar kommunu.

Tvær útstykkingar aftrat

Tvær aðrar útstykkingarætlanir gerast veruleiki í næstum.

Ein í Horni á Skála og hin í Leitinum í Saltangará/Runavík.

Útstykkingin á Skála er seinkað nakað orsaka av eini kæru, sum er avgreidd frá Friðingarnevndini fyri Eysturoyar Sýslu. Hennara avgerð kann tær næstu 4 vikurnar kærast til Yvirfriðingarnevndina.

Vendir hesin seinri instansurin ikki málinum í mun til avgreiðsluna hjá friðingarmyndugleikanum í økinum, verður farið undir hesa útstykking seinni í ár.

Í Leitinum verður rúm fyri áleið 85 búeindum.

Væntandi kann verkætlanin fara í útboð seint í vár ella tíðliga í summar, upplýsir Runavíkar kommuna.