Uppskrift til 4 personar:

1 kg av tvøsti, 
1 l av vatni, 
2 dl av ediki, 

500 g av kjøtdeiggi, 
1 tsk av salti, 
½ tsk av pipari, 
25-50 g av margarini, 
uml ½ l av vatni, 
1 bótarmola, 
4 ssk av hveitimjøli, 
½ dl av vatni, 
Salt og pipari, 

Set tvøstið í edikavatn í nakrar tímar og tak tað síðani uppúr og turka tað væl. Sker tvøstið í tunnar flísar og banka tær væl.

Ger smáar friggadellir av kjøtdeigginum og legg tær á tvøstflísarnar. Balla tvøstið um friggadellirnar og bind tvørturum. Krydda tvøstpakkarnar við salti og pipari og steik teir í margarininum í  5 min á hvørjari síðu og koyr teir síðani í eina grýtu.

Kóka pannuna av við vatninum og stoyt løgin í grýtuna. Tvøstpakkarnir skulu vera undir. Legg lok á grýtuna og set at kóka í 1½ tíma. Legg uppúr. Koyr bótarmolan í grýtuna. Rør javning av mjølinum og vatninum og ger útá. Rør væl, meðan sósin kókar upp. Rør í sósini, meðan hon kókar í 2 min. Smakka til við salti og pipari. Legg tvøstpakkarnar í eitt fat og stoyt sósina omanyvir.

Afturvið: kókað eplir og grønmeti ella glaseraðan leyk.

Uppskriftin/teksturin er úr bókini  “Góður matur úr sjónum”. loyvi er fingi frá Nám, myndina eigur Per á Hædd.  Tað vóru næmingar í 1999/2000  á “Miðnám í Vestmanna” sum gjørdi bókina, sum eina verkætlan.