Løgtingslimir eru mest yvirbetaltu starvsfólkini í Landinum
Tann, sum ikki megnar at at røkja heiltíðarstarv við síðuna av Løgtingssessinum, er ikki egnaður at verða Løgtingslimur
Í vikuni viðgjørdi Løgtingið uppskot Miðfloksins um at loyva borgarstjórum á Løgting.
Arbeiðsbyrðan hjá borgarstjórum bleiv viðgjørd. Men arbeiðsbyrðan hjá Løgtinglimum bleiv als ikki viðgjørd.
Tí hava vit hugt nærri eftir hesum.
Løgtingið fer í summarfrí á Flaggdegnum 25. apríl. Tey møta aftur 29. juli og viðgera Løgmansrøðuna 2 dagar seinni. Tey noyðast at brúka 2 - 3 dagar í august uppá fiskidagar, og tað er helst so strævið at í ár skal Landsstyrismaðurin avgreiða fiskidagarnar og Løgtingslimir fáa 2 - 3 eyka frídagar í august, umframt hinar 14. Og sjálvandi hava vit ikki talt vikuskifti við. Tá hava teir eisini frí.
Løgtingið hevði 41 arbeiðsdagar seinna hálvár í 2017. Tað er minni enn 2 mánaðar hjá vanligum fólki. Higartil í ár hava teir havt 5 arbeiðsdagar.
Jú sanniliga er tað strævið. Skilji væl at ongin tosaði um arbeiðsbyrðuna hjá Løgtingslimum.
Og so heldur onkur at vit hava gloymt at teir eisini hava nevndarfundir. Jú, teir eru frá kl. 9 til kl. 10 ella 11, sama dag sum Løgtingsfundur er. Og nevndarformenn fáa eyka samsýning.
Arbeiðsbyrðan hjá Løgtingslimum má tí sigast at verða so lítil, at væl ber til at røkja annað starv samstundis. Tey einstu sum ikki kunnu tað eru tey á niðastu rók, sum noyðast at møta og verða fysiskt til staðar ávísar tíðir. Arbeiðsmenn og arbeiðskvinnur og onnur noyðast at verða til arbeiðis hvønn dag. Øll sum kunnu skipa sítt starv sjálvi kunnu røkja starvið sum Løgtingslimur umframt sítt starv. Og vóru Løgtingsfundir aftaná kl. 17 og í vikuskiftinum, vóru tað bara tey á útoyggj og í Suðuroy sum ikki kundu røkt annað starv umframt.
Borgarstjóri er fulltíðarstarv. Men tað er ivasamt hvussu stór arbeiðsbyrðan er. Men ein sannroynd er, at tess meira borgarstjórin blandar seg, tess fleiri atkvøður fær hann til komandi val. Samstundis er eisini galdandi, at tess meira borgarstjórin blandar seg, tess minni effektiv er umsitingin og tess minni fær palliba fyri skattapengarnar. Tí er tað avgjørt ein fyrimunur fyri palliba at borgarstjórin er løgtingslimur.
Einasti trupulleikin tykist verða, at illa gongur at áseta at borgarstjórar ikki fáa tvær yvirbetaltar lønir, men bara 1½
Arbeiðsbyrðan hjá borgarstjórum er mett út frá royndum, sum greinaskrivarin hevur sum borgarstjóri við samskifti við nógv fólk. Arbeiðsbyrðan hjá Løgtingslimum sæst á heimasíðu Løgtingsins.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur