Harður jarðskjálvti á Grimsey
Ein jarðskjálvti, ið máldi 5,2 á Richter-stiganum, varð skrásettur á Grimsey um 7-tíðina í morgun.
Harði skjálvtin merktist nógvastaðni á Norðurlandinum, og myndugleikarnir hava sent út ávaring fyri økið.
Grímsey liggur út fyri norðurstrond Íslands og er norðasti endi av Íslandi.
80 fólk búgva á oynni.
Fleiri harðir jarðskjálvtar vórðu skrásettir millum klokkan 6 og 7 í morgun, har tann síðsti var tann harðasti.
Sambært íslendsku veðurstovuni hava fleiri av íbúgvunum á Grimsey, sum eru von við smærri jarðskjálvtar, vent sær til stovnin í morgun enn vant - og eitt sindur meiri óttafull enn vanligt - eftir at kaffi ristist burturúr koppum teirra, skrivar Morgunblaðið.
Íslendska veðurstovan sigur, at mong fólk í Íslandi ikki fingu sovið fyri mongu jarðskjálvtunum í nátt.
Seinastu 48 tímarnar eru ikki færri enn 1.536 jarðskjálvtar skrásettir kring landið.
Mest lisið í farnu viku
Samband
Heygsvegur 8
490 Strendur