Gott veður í morgin
Veðrið frá DMI
Veðurlagið:
Eitt djúpt lágtrýst, 964 hPa, í ein útsynning úr Íslandi, flytur seg norðureftir. Eitt tilhoyrandi brúgvalag fer spakuliga framvið Føroyum av útsynningi í dag. Seint týsdagin og tíðliga mikudagin fer ein hátrýstryggur framvið Føroyum av útsynningi.
Veðurvánirnar:
Andøvsgul til strúk í vindi av landsynningi, 8 til 13 m/s. Tað verður skýggjað og regn tað mesta av degnum. Í kvøld snarar ættin í útsynning og tað verður gul til frískan vind, 5 til 10 m/s, og tað klárnar tó við einstøkum ælum. Hitin fer at liggja millum 4 og 8 stig.
Veðrið í morgin:
Gul til frískan vind av vestri, 5 til 10 m/s, sum um kvøldið minkar til lot til andøvsgul, undir 8 m/s. Um náttina verður ættin sunnan. Tað verða sólglottar í morgin, men eisini einstøk æl. Mikunáttina verður turt. Hitin um dagin fer at liggja millum 5 og 7 stig, um náttina millum frostmarkið og 4 hitastig.
Veðrið mikudagin:
Vindurin veksur til gul til frískan vind av suðri, 5 til 10 m/s. Seinnapartin veksur vindurin til strúk í vindi, 8 til 13 m/s. Hósnáttina verður frískur vindur til hvassan vind, 10 til 15 m/s. Fyrst á degnum verður nakað av sól, men seinni verður samdrigið og um kvøldið fer kanska at regna av og á. Hitin fer at liggja millum 5 og 8 stig.
Mest lisið í farnu viku
Samband
Heygsvegur 8
490 Strendur