Íslendingar gevast við grønlendskari flogrutu
Íslendska flogfelagið Air Iceland Connect gevst við summarflúgving síni til Kangerlussuaq í Grønlandi sum lið í einum størri spariumfari, sum eisini rakar flúgvingina hjá felagnum til Aberdeen og Belfast.
Flogfelagið, ið er partur av Icelandair, gevst eisini við innanríkisflúgvingini millum Keflavík og Akureyri, skrivar flogtíðarritið check-in.dk.
Uppsagnir
Felagið hevur 250 fólk í starvi, men ikki er greitt, hvussu mong av teimum verða uppsøgd í sambandi við spariumfarið. Tær fýra ruturnar, ið verða lagdar niður, standa fyri umleið sjey prosentum av umsetninginum hjá felagnum.
Fyri fáum døgum síðani setti Air Iceland Connect eitt sølufólk í starv at taka sær av grønlendska marknaðinum. Starvið fekk fyrrverandi sølustjórin í Air Greenland, Anika Krogh, skrivar check-in.dk.
Írestandi rutur
Eftir hevur íslendska flogfelagið eina heilársrutu úr Reykjavík til Nuuk umframt summarflúgving til Kulusuk, Ilulissat og Nerlerit Inaat og úr Keflavík til Narsarsuaq.
Mest lisið í farnu viku
Samband
Heygsvegur 8
490 Strendur