Hetta er fyrsti spírin, eftir at SALT í heyst tók stig til at stovna Suðuroyar Sjónleikarafelag. 

Sambært Suðurrás hevur fitt av fólki víst hesum tiltaki áhuga.

Áðrenn farið varð undir at venja kabarettina, skipaði SALT fyri einum sjónleikaraskúla.

Og næsta vikuskiftið verður Suðuroyar Kabarettin so veruleiki.

Tvær sýningar verða - leygarkvøldið og sunnukvøldið.

Mariann Johannsen, forkvinna í Suðuroyar Sjónleikarafelag, sigur, at útselt er til leygarkvøldssýningina.

Atgongumerki til sunnukvøldið kunnu keypast á atgongumerki.fo

Klæmint Henningsson Isaksen hevur leikstjórnað Suðuroyar Kabarettini.