Louise Hasle avloysir Berit Koertz, sum av persónligum orsøkum hevur gjørt av at fara úr nevndini.

Finn Gaarsmand kemur inn sum nýggjur nevndarlimur í sambandi við at nevndin verður víðkað úr 5 til 6 limir.

- Nevndin í Kalaallit Airports A/S er sera sera væl nøgd við, at Louise Hasle og Finn Gaarsmand hava tikið av tilboðnum um at taka sæti í nevndini, og harvið vera við til at fremja flogvallaætlanirnar í Nuuk, Ilulissat og Qaqortoq, sigur Johannus Egholm Hansen, nevndarformaður, í tíðindaskrivi.

Sparringspartnarar

- Louise Hasle og Finn Gaarsmand hava bæði nógvar og fjølbroyttar altjóða royndir, og við teimum báðum í nevndini, eri eg sannførdur um, at vit hava fingið tveir nýggjar nevndarlimir, sum økja um førleikarnar hjá nevndini, og sum bæði kunnu virka sum skikkaðir sparringspartnarar hjá restini av nevndini og dagligu leiðslu felagsins, sigur Johannus Gunnar Egholm Hansen m.a. í tíðindaskrivinum.

Í nevndini sita nú:

Johannus Gunnar Egholm Hansen 
Finn Møller Gaarsmand
Louise Hasle
Jákup Sverri Fonsdal Kass 
Aviâja Lyberth Lennert 
Peter Eduard Christiansen