Metár hjá Bakkafrost
Bakkafrost hevði góða hálva milliard í vinningi í fjør.
Hóast prísurin á laksi fall í 2017, gjørdist árið tað besta hjá Bakkafrost nakrantíð. Raksturin gav 1.378 mió. krónur í avlopi í mun til 1.165 mió. krónur í 2016. Laksaprísurin var methøgur fyrra hálvár, men lækkaði ógvusliga seinna hálvár.
Samlaða úrslitið hjá Bakkafrost var 511 mió. krónur eftir skatt.
Men avbjóðingar hava eisini verið í 2017:
“Bakkafrost mátti taka allan alifiskin á einum aliøki í skundi við lágari miðalvekt fyri at tryggja, at sjúka ikki breiddi seg. Hetta viðførdi stórar eykaútreiðslur fyri felagið,” sigur Regin Jacobsen, stjóri, í eini viðmerking.
Bakkafrost hevur ársaðalfund fríggjadagin 13. apríl. Har fer nevndina at skjóta upp, at 10,50 krónur verða goldnar út í vinningsbýti fyri hvørt partabræv. Hetta gevur eitt samlað vinningsbýti á 513 milliónir krónur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur