Veðurlagið:

Eitt hátrýst, 1030 hPa, yvir Írlandi liggur mestsum stilt. Fleiri lágtrýst við Eysturgrønland liggja eisini næstan still. Køld og rættiliga turr luft streymar inn yvir Føroyar av vestri. Í nátt kemur eitt lágtrýst, 975 hPa, móti havleiðunum í ein útsynning úr Íslandi.

Veðurvánirnar:

Andøvsgul til strúk í vindi at útsynningi og vestri, 8 til 13 m/s, men móti kvøldi minkar vindurin spakuliga. Tað verður skiftandi skýloft við einstøkum ælum. Hitin fer at liggja millum 4 og 7 stig. Í nátt verður lot til andøvsgul av vestri, 3 til 7 m/s, sum snarar í sunnan. Tað verður turt fyri tað mesta og klárt. Hitin í nátt fer at liggja millum 1 og 5 stig.

Veðrið í morgin:

Lot til andøvsgul av suðri, 2 til 7 m/s, sum veksur spakuliga, og um kvøldið verður andøvsgul til strúk í vindi, 8 til 13 m/s. Um náttina verður frískur vindur til hvassan vind, 10 til 15 m/s. Tað verður turt fyri tað mesta í morgin við nakað av sól. Hitin fer at liggja millum 4 og 7 stig.

Og veðrið hósdagin:

Frískur vindur til hvassan vind av suðri, 10 til 15 m/, sum eitt skifti kann koma uppí skrið, 18 m/s. Tað verður skýggjað fyri tað mesta og onkra løtu kann fara at regna. Um kvøldið verður helst samregn. Hitin fer at liggja millum 5 og 8 stig. Fríggjanáttina minkar vindurin til lot til andøvsgul av ymsum ættum, minni enn 5 m/s. Tað verður fyrst skýggjað við regni, men seinni klárnar. Hitin fer at liggja millum frostmarkið og 4 stig.