Vatnveitingin á havnarlagnum í Vági endurnýggjað
Tekniska toymið hjá Vágs kommunu hevur seinastu vikuna lagt síðstu hond á endurnýggjanina av vatnveitingini á havnarlagnum.
Hetta hevur í styttri tíðarskeið um vikuskifti ávirkað nakrar av brúkarunum í kommununi, men skuldi nú verið komið í rætt lag aftur, sigur kommunan á heimasíðuni.
Vatnveitingin á havnarlagnum trongdi til dagføringar. Vatnnýtslan var eisini hægri enn ætlað, orsakað av lekum.
Nú nýggj vatnleiðing er løgd, er hetta nú rættað, soleiðis at ongir lekar eru.
Vatnnýtslan er av somu orsøk bara í mun til nýtsluna hjá virkjum á havnarlagnum.
Vágs kommuna hevur seinastu árini arbeitt miðvíst við at endurnýggja vatnveitingina í kommununi.
Nógv stór arbeiði eru gjørd, og í næstum verða eisini fleiri tillagingar gjørdar til gangs fyri brúkararnar, sigur kommunan.
Mest lisið í farnu viku
Samband
Heygsvegur 8
490 Strendur