Bakkafrost gjørdi spádómum til skammar
Roknskapurin hjá Bakkafrost fyri 4. ársfjórðing í fjør, sum varð almannakunngjørdur í morgun, tók fullkomiliga greiningarfeløgini á bóli. Úrslitið vísti seg at vera nógv betri, enn tey høvdu spátt.
Hetta gav beinanvegin Bakkafrost-partabrøvunum á keypskálanum í Oslo luft undir veingirnar, men sum leið út á dagin fór luftin úr ballónini, og tá keypskálin læt aftur, var úrslitið ein lækking upp á 0,16 prosent til 373 krónur fyri partabrævið.
Tað skrivar e24.no.
Allir greinarar vóru tó sera væl nøgdir við úrslitið hjá Bakkafrost, men Bruce Diesen í Fearnley Securities vísti samstundis á, at høgir prísir høvdu sína ávirkan á úrslitið.
Høgir prísir gjørdu munin
– Úrslitið var gott, men hetta var fyrst og fremst takkað verið høgum prísum. Felagið fekk sera høgar prísir í mun til Nasdaq-prísirnar í 4. ársfjórðingi. Sum frálíður fara tey ikki at fáa eins høgar prísir mótvegis Nasdaq, segði hann við TDN Direkt, sambært Hegnar Online.
Umsetningurin hjá Bakkafrost var upp á 906 miljónir krónur í 4. ársfjórðingi, og rakstrarúrslitið var upp á 331 miljónir krónur.
2017 metár hjá Bakkafrosti
Rakstrarúrslitið hjá Bakkafrost í 2017 setti met.
Tað var eina milliard og 378 milliónir krónur ímóti einari milliard og 165 milliónir árið fyri.
Vinningurin eftir skatt var 511 milliónir krónur.
Á ársaðalfundinum, sum verður 13.apríl, fer nevndina at skjóta upp, at 10,50 krónur verða goldin í vinningsbýti fyri hvørt partabræv.
Vinningsbýtið verður 513 mió. kr.
Mest lisið í farnu viku
Samband
Heygsvegur 8
490 Strendur