Samrøða við Løgtingsmann um rúsevnismál
R7 hevur havt samrøðu við nógv umrødda Løgtingsmannin, sum sigst verða avhoyrdur í Rúsevnismáli
Søgur ganga um at Løgtingsmaður er avhoyrdur í samband við Rúsevnismál.
Í gjár visti Vágaportalurin at siga,at ein løgtingsmaður var avhoyrdur, í samband við Rúsevnismál. Somuleiðis tosaði Vágaportalurin við Fútan John Kølbæk. Fútin segði at hann hevði onga viðmerking. Upp á fyrispuring um hann kundi vátta ella avsanna tíðindini, svaraði fútin eisini við at hann hevði onga viðmerking.
R7 hevur roynt at spurt inn til hetta mál. Soleiðis sum upplýsingarnar eru í løtuni, er talan um at ein persónur er avhoyrdur. Hendan avhoyring er framd av danska ferðaliðnum hjá Løgregluni. Orsøkin til tað er vanliga, at Løgreglan í Føroyum ikki avhoyrir sínar egnu. Hetta fyri at tryggja at ongin ivi er um gegni.
Avhoyring í sjálvum sær er ikki tað sama sum at nakar hevur gjørt nakað skeivt. Í slíkum málum er neyðugt at vísa stórsta varsemi.
Á sosialu miðlunum er púra greitt at talan er um Bjarna Hammer, løgtingslim fyri Javnaðarflokkin.
R7 ringdi tí til Bjarna Hammer, og spurdi hann um hetta mál. Í stuttari viðmerking sigur Bjarni Hammer, at hetta mál hevur okkurt við politisku støðuna á Tvøroyri og tað rumbul, sum hevur verið..
Bjarni Hammer sigur við R7, at hann er ikki ákærdur og hann kann við vissu siga, at hann ikki verður ákærdur. Vit vænta at fáa meira nágreiniligar upplýsingar frá Bjarna Hammer seinni.
Tað er altíð trupult at viðgerða slík mál. Nú eru sosialu miðlarnir á tremur við hesum sama máli. Tí hevur tídning at alt verður borði fram so rætt sum til ber og øll eiga at vísa stórsta varsemi.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur