Eftir at borgarstjórin í Runavíkar Kommunu, Tórbjørn Jacobsen, fyrr í vikuni boðaði frá, at Runavíkar Kommuna rindaði 150.500 krónur í kringvarpsgjaldi í 2017, hevur R7 spurt hjá Tórshavnar Kommunu, hvussu nógv tey rinda fyri somu tænastu.

Fíggjardeildin hjá kommununi upplýsir, at kravið frá TAKS mótvegis Tórshavnar Kommunu, viðvíkjandi kringvarpsgjaldi, var 530.000 krónur fyri 2017.

Tað merkir, at hvør einasti av teimum umleið 21.000 borgarunum í kommununi rindaði góðar 25 krónur í kringvarpsgjaldi fyri lurtitólini hjá kommununi.

Tá fólkateljingin var í 2011 búðu í meðal 2,7 fólk í hvørjum húski í Suðurstreymoy. Um tað framvegis er galdani, so rindar hvørt húski í Tórshavnar Kommunu umleið 68 krónur í kringvarpsgjaldi fyri kommununa.