Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Hvannasunds kommuna hevur goldið bæði SEV kaðal og tunnil

Innanlands, Lesarabrøv | 07/03-2018 23:00

Tað var spennandi at hoyra Rigmor Dam fortelja í tíðindunum mánakvøldið kl.18, at tey høvdu sóknast eftir uppskotum frá tí privata, hvat Hoydalar kunnu brúkast til. Hon kundi fortelja um nógv spennandi uppskot, men at einki av hesum hevði eitt uppskot til fígging, sum lá uttanfyri fíggjarlógina.

Norðoyggjar eru helst tað økið í Føroyum, sum er best kent fyri at fíggja sítt virksemi privat. Umframt alt tað vinnuliga virksemi, so hava Norðoyggjar roynt at gjørt sítt til fyri at skapa trivnað og virksemi í sínum øki.

Eitt legg aftur í tíðina
Í seinnu helvt av 50unum vildi Hvannasunds kommuna hava SEV at leggja el-kaðal um fjallið og norður í Hvannasund. SEV ynskti ikki at gera hetta, men Hvannasunds kommuna gav ikki upp og bjóðaði seg til at rinda háspenningskaðalin, og soleiðis fingu bygdirnar norðanfyri streym og harvið ljós í 1963.

Nøkur ár seinni mátti kommunan aftur sanna, at landið ikki av sær sjálvum kom at gera ábøtur á infrakervið norðanfyri. Tí fíggjaði Hvannasunds kommuna 10% av tí, sum Landsverk kallar Hvannasundstunlinum, og Klaksvíkar kommuna tað sama av Árnafirðartunlinum.

Hesar báðar íløgur hava verið grundarlagið undir allari menning í økinum.

Í dag
Í dag 7. mars 2018 eru hesar báðar fortreytir, sum tá vóru orsøk til størsta framstig bygdirnar norðanfyri hava sæð, vorðnar størstu forðingarnar bygdirnar hava.

SEV megnar ikki við verandi háspenningslinjum at veita nøktandi streym til økið. Og tunlarnir frá 1967 klára ikki at svølgja ferðsluni.

Tunlarnir eru blivnir ein forðing fyri vinnuligum virksemi, javnbjóðis kapping, frælsi at keypa vørur og tænastur o.m.a.

Nú hava Viðareiðis og Hvannasunds kommunur aftur sæð skriftina á vegginum og hava sum eyðkenni fyri øki gjørt eitt uppskot, sum ikki tyngir fíggjarlógina.

Tá nú Rigmor Dam tekur móti uppskotum fyri fyri Hoydalar við ‘kyshånd’, og sigur, at best hevði verið, um tey høvdu privata fígging, tí at landið kann ikki fíggja hetta í løtuni, ja so man frøin vera stór í samgonguni, nú Viðareiðis og Hvannasunds kommuna hava funnið eina loysn á einum trupulleika, sum løgtingið hevur havt í útvið 30 ár.

Norðoyatunnilin kann finna fígging til tunnilin, og tá løguætlanin sigur, at tunnilin skal rindast (2021-2024), ja so fara pengarnir at rinda lánið. Ein winwin støða!

Landið heldur løguætlanina og økið norðanfyri fær hart tiltrongdu tunlarnar, sum vit hava bíða eftir útvið 30 ár.

Hallgerð Akurstein


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Countryrøddin hjá Alex er tagnað her
Prát við Virgar Dalsgaard
Prát við Virgar Dalsgaard
Vit mugu tora at standa við okkara sannføring
Country sunnudags­skúli á Stakka í Sørvági
Tað villasta eg havi upplivað - hetta var heilt fantastiskt
Nýggju plakatir­nar hjá Suffiu Nón eru komnar í handlarnar
Pól Huus Sólstein hugleiðir
Nærum liðugt við Grótbrúgv
Ein samandráttur frá Runutusk2018 - VIDEO
Bussur útav
Mál útloysti jarðskjálvta
Sjúrður Højgaard við umbygdum barnavogni - allar Føroyar fáa vitjan
Klaksvíkar Býráð fer í dag at viðgera Sjósavnið
Hvat nú um tú tekur feil viðvíkj­andi fosturtøku?
Vespureiðrið (81) - 18. juni 2018
Summar­ungdómsmøtir í Havn 2018
Víkingur ynskir sær HJK Helsinki - bolt.fo
Flottir eru teir -myndatema
Myndir frá Country og Blues festivali­num - leygarkvøld í Sørvági.
Samrøður frá Countryfestivali­num 2018
Øll hini máli­­ni eru avgreidd frá tinginum
Jacob Vestergaard: Ótryggleikin í føroysku fiski­vinnuni veksur fyri hvønn dag
Ruth inn av seinasta túrinum fyri summar­feriuna
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi