Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

DR Kontant avdúkaði fría danska elmarknaðin

Lesarabrøv, Politikkur | 08/03-2018 17:50

DR Kontant avdúkaði í gjárkvøldið, hvussu donsku elkundarnir eru vorðnir við sviðusoð, eftir at danski elmarknaðurin var liberaliseraður um aldarskiftið.

Hækkandi elprísir og einki gjøgnumskygni er veruleikin á danska elmarknaðinum í dag. Harumframt er einki prógv fyri, at liberaliseringin hevur havt við sær meira grøna elorku

DR Kontant avdúkaði í gjárkvøldið, hvussu elprísurin í Danmark hevur verið hækkandi, síðani elorkuøkið var liberaliserað í 2003  - ein hækking  á 27 oyrur, úr 2,03 kr. upp  í 2,30 kr. fyri kWh, svarandi til ein vøkstur á 13 prosent. Eisini avdúkaði sendingin á DR, hvussu elmarknaðurin í Danmark er broyttur til ein frumskóg av elfeløgum og smartum seljarum, har kundin einki yvirlit hevur, og har einki álitisvekjandi gjøgnumskygni er, sum kann geva elkundanum eina trygga kenslu.   

Í sendingini kom eisini fram, at einki prógv tykist vera fyri, at økta grøna elorkan í Danmark stavar frá liberaliseringini, men hinvegin heldur frá almennum stuðli. DR Kontant vísti eisini upptøkur frá 1999, tá ið bæði danski Javnaðarflokkurin og Vinstra hálovaðu liberaliseringini, sum skuldi hava við sær eina betri skipan fyri kundarnar við lægri prísum, men har danskarar 20 ár seinni standa eftir við tí øvuta úrslitinum.

DR Kontant hevur fylgt gongdin á danska elmarknaðinum seinastu árini, og brot úr sendingum frá 2013, 2014 og 2016 vístu eina skeiva gongd fyri danska elkundan.

Uppskotið hjá Magna Laksafoss og Sambandsflokkinum at liberalisera elmarknaðin er ein roynd at fáa Føroyar at stevna ímóti sama ruðuleika, sum danskarar uppliva á sínum elmarknaði. Ein roynd at liða okkara samhaldsføstu elskipan sundur, sum í dag er partur av okkara almenna undirstøðukervi, og har prísurin er tann sami fyri øll - bæði vinnulívi og borgarum at gagni.

Eg endurtaki, at føroyska elorkuøkið eigur at viðgerast við størsta umhugsni. Um onkur hevur at fáa íblástur frá sendingini á DR í gjárkvøldið, so ber til at fara inn á https://www.dr.dk/nyheder/pe nge/kontant/det-er-blevet-dyre re-vaere-el-kunde
 
Bogi Andreasen, 
býráðslimur í Tórshavnar kommunu
og fyrrverandi næstformaður í SEV


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Mest lisið í farnu viku
Borgar­stjó­rin í Runavíkar býráð er ikki Tórbjørn Jacobsen á Glyvrum, hetta sigur Tobbi við R7
Jógvan Páll Lassen: Lat SEV selja bensin og olju
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
"Kom á 2069!" (42) - 7. des 2018
Glasir!
Tvístøða (49) - "Mín besti vinmaður hevur kvett sambandi við meg!"
R7 Premier League (29) - 10. des 2018
Fuglafjarðarsendingin (14) - 06. des. 2018
NOVA úr Suðuroynni (33) - 10. des 2018
Novembervitjan í Suðuroy - møtir og bíbliuskeið
Her verða allar gátur loystar
Tvístøða (49) - Øll sendingin
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Janus Rein og Brandur Ellingsgaard: Nýtt advokat­felag byrjar í Føroyum
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Metis - Øll sendingin - 11. desember 2018
Rúni Jacobsen klakti eggini undir síni egnu dýnu
Kristilig Tíðindi (77) - Kristiliga tíðindasendingin við Poul Jóhan Djurhuus
Tíðindi klokkan 17
Sølutiltak hjá Leirkeri­num - fleiri enn 100 bøkur!
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi