Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Áheitan til Tórshavnar kommunu, Kommunustjóran og allar býráðslimir.

Innanlands, Lesarabrøv | 12/03-2018 23:42

Viðv. ætlaðu byggingini og vinnuliga virkseminum hjá Gist & Vist (Koks) frammi við Gjónna og á sandinum við Leynavatn.

Í framhaldi av brævi okkara dagfest 7. mars skulu vit heita á umsitingina um at handa øllum býráðslimum hetta skriv okkara, har vit í framhaldi av fyrra skrivinum greiða frá hví vit halda, at kommunan ikki eigur at geva loyvi til nevndu bygging og nevnda virksemi.

Talan er um friðað økið.

Sum vit hava víst á í fyrra skrivi okkara, so er talan um eitt av vakrastu og sermerktastu økjum í landinum, sum av somu orsøk er friðað. Um vinnulig bygging og vinnuligt virksemi nú skal fara fram á økinum, so fer hetta at hava serstakliga álvarsliga ávirkan á bæði náttúru og djóralív í økinum.

Tað er uppgávan hjá okkara fólkavaldu politikarum at verja náttúru okkara, og tað kann ikki bera til at seta til viks atlitið til okkara náttúru, tí eitt virkið, uttan nøkur loyvir yvirhøvur, er farið í gongd við at taka ímóti bíleggingum til matstovuvirksemi á økinum, sum tey vita er friðað og ikki er lagt út til vinnuligt virksemi.

Rættartrygdin er rættuliga í vanda um tað verða privatpersónar ella privat virkir, sum sleppa at stýra okkara myndugleikum, tá talan er um vernd av náttúru okkara og reglunum um vinnuligt virksemi.

Talan er ikki um økið, sum er lagt út til vinnuligt endamál

Sum tykkum kunnugt, so er økið fram við Gjónni ikki lagt av til vinnuligt endamál, og longu av hesari orsøk eigur kommunan at nokta byggiloyvi til vinnuligt endamál á økinum, og her hevur tað als ongan løgfrøðiligan týdning, at umsøkjarin nú hevur sagt at bygningurin seinni skal latast bóndanum til landbúnaðarendamál.

Um vinnuliga endamálið er ætlað at standa við í longri ella stytri tíð er ikki avgerandi, tí har økið ikki er lagt út til vinnulig endamál, har skal kommuna ikki geva loyvi til vinnuliga bygging yvirhøvur.

Vit vænta at allir býráðslimir kenna sína ábyrgd, tá avgerð skal takast í málinum.

Um loyvið verður givið, so hevur kommuna skapt fordømi, sum fer at geva øðrum borgarum somu rættindi.

Vit halda at hvør einstakur býráðslimur skal gera sær greitt, at um Gist & Vist fær loyvi at fara í gongd við at byggja vinnuligan bygning, og sleppur at reka vinnuligt virksemi á økinum, so kann kommunan ikki nokta næsta umsøkjara somu sømdir.

Fyrisitingarliga grundreglan um líka viðgerð av borgarunum vil í slíkum føri gera, at kommunan ikki kann nokta næsta umsøkjara at fara undir líknandi bygging til vinnuligt endamál, og hvar enda vit so?.

Tí hevur hetta mál ikki bert týndning her og nú, tí um rætt ikki verður atborðið, so fær avgerðin í málinum sera álvarsligar avleiðingar framyvir.

Áheitan á allar býráðslimir.

Vit skulu inniliga heita á allar býráðslimir um ikki at geva loyvi til nevndu bygging, tí um loyvið verður givið, so eru tað býráðslimirnir, sum mugu átaka sær ábyrgdina av teimum avleiðingum hetta fer at hava, ikki bert fyri tey túsundtals fólk, sum javnan njóta friðaðu náttúru okkara, men eisini fyri sjálvt økið við Leynavatn og tað ríka djóralív, sum er í og kring vatnið.

Føroya Sílaveiðifelag
Hans Joensen, formaður

Sí friðingina her


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Mest lisið í farnu viku
Borgar­stjó­rin í Runavíkar býráð er ikki Tórbjørn Jacobsen á Glyvrum, hetta sigur Tobbi við R7
Jógvan Páll Lassen: Lat SEV selja bensin og olju
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
"Kom á 2069!" (42) - 7. des 2018
Glasir!
Tvístøða (49) - "Mín besti vinmaður hevur kvett sambandi við meg!"
R7 Premier League (29) - 10. des 2018
Fuglafjarðarsendingin (14) - 06. des. 2018
Novembervitjan í Suðuroy - møtir og bíbliuskeið
NOVA úr Suðuroynni (33) - 10. des 2018
Her verða allar gátur loystar
Tvístøða (49) - Øll sendingin
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Janus Rein og Brandur Ellingsgaard: Nýtt advokat­felag byrjar í Føroyum
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Rúni Jacobsen klakti eggini undir síni egnu dýnu
Kristilig Tíðindi (77) - Kristiliga tíðindasendingin við Poul Jóhan Djurhuus
Metis - Øll sendingin - 11. desember 2018
Tíðindi klokkan 17
Sølutiltak hjá Leirkeri­num - fleiri enn 100 bøkur!
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi