Hagstovan hevur talt saman innflutning og útflutning í januar í ár og samanborið við januar seinasta ár.

Tølini tala sítt tíðuliga mál. Innflutningurin er lækkaður 22%. Einastu vørubólkar, sum halda tørn eru tilfar til byggivinnuna og brennievni. 

Innflutningur av vørum til beinleiðis húsarhaldsnýtslu er lækka 10%. Innflutningurin av Maskinum og amboð og tilfar til íðnað er minka 20%.

Innflutningurin er lægri enn í 2017 og eisini lægri enn í 2016 og minnur um innflutingin í 2015.  

Útflutningurin í Januar lækkaði 31% í mun til sama tíðarskeið seinasta ár. Í januar fjør útfluttu vit fyri 791 milliónir. Í ár er útflutingurin 549 milliónir.

Útflutningurin av laksi minkaði 120 milliónir og uppsjóvarfiskur minkaði 106 milliónir.

Útflutingurin í virði av laksi er lækkaður 35% og uppisjóvarfiskur lækkar 45%

Tilsamans er útflutningurin í ár 242 milliónir lægri enn í fjør. 

Tølini eru fyri 1 mána og tí kann gongdin broytast tá vit hava fleiri mánar at samanbera við.

Eru tølini rættvísandi, so sær ikki gott út.