Danska stjórnin og Dansk folkeparti hava gjørt semju um at Danmarks Radio skal spara 20% T.v.s. at játtanin til DR minkar 800 milliónir. Somuleiðis verður danska kringvarpsgjaldið avtikið. 

Flestu tykjast at taka undir við at játtanin til Danmarks Radio minkar. Tað sær út til at rættuliga nógv eru samd um, at DR er alt ov stórt. Somuleiðis hava nógvar skandalur verið í DR seinastu árini. Trupulleikarnir í Ríkisløgregluni, sum stava frá fyrrverðandi starvsfólki í DR gera ikki støðuna betri. Einaferð betalti DR fyri at transportera hestin hjá konuni hjá einum starvsfólki. Harumframt eru risastórar stjóralønir og rættuliga nógvir óbeinleiðis lønarágóðar.

Í Ekstrablaðnum spara tey ikki uppá krútið. Teir siga, at øll onnur hjá tí almenna eru rakt av sparingum. Tí er einki undarligt í at DR eisini skal spara. Víðari siga tey, at leiðslan í DR hevur uppført seg sum veruleikafjar aðalsfólk á ovastu hædd, sum gremja seg um at bygdafólk ikki hava skil fyri mentan.