Ein nýggjur Gaddafi í Libya
Høvdu Obama og Hillary verið vinstrahall, hevði ein hin størsta gølan í USA í næst- og seinasta forsetaskeiði verið amerikanska loft- og vápnaálopið á Libya, sum kostaði Moammar Gaddafi lívið og kastaði Libya út í ruðuleika.
Tær 9 libisku fólkaættirnar, fleiri nomadar, ruku í tottarnar á hvør øðrum í borgarakríggi. ISIS og Al Quaeda hertóku hvør sín part av Libya og lupu á sendistovu USA í Benghazi. 4 diplomatar doyðu, ti uttanríksiráðharrin, Hillary Clinton, lurtaði ikki eftir teirra neyðarrópum í mánaðir eftir betri vápnaverju.
Eftir tilburðin leyg Obama-stjórnin fyri øllum USA og avvarandi hjá teim myrdu um sonnu tilgongdina í Benghazi, til alt varð avdúkað eftir forsetavalið í 2012.
Síðan tá hevur ruðuleiki valdað í Libya. Gaddafi forðaði 100-tústals islamum úr Norðurafrika at sleppa ígjøgnum Libya út til strondina og tvørtur um Miðjarðhavið í plimmsollarum, har 1000-tals havrekar druknaðu á vegnum.
Nú verða hesi rekavætti fangað og seld sum trælir kring islamska Miðeystur. ES í sínum vanliga kávalæti rindar ránsmannabólkum í Libya pening fyri at forða afrikanarum í at sleppa norður til mannasmuglarar á libisku strondini.
Úr hesum libiska hurlivasa av lógloysi frættist, at Saif al-Islami (hvat annað) Gaddafi ætlar sær at arva Libya frá pápa sínum Moammar. Hesin Saif al Islami hevur sitið fangi, síðan hann varð handtikið í borgarakrígnum í 2011.
Í juni í fjør slapp ungi Gaddafi leysur. Al-Islami sigur seg vera oddamann hjá eini vápnaðari herdeild, ið ætlar at taka valdið í høvuðstaðnum Tripoli.
Góðar keldur siga, at sonurin hevur møguleika at vinna eitt forsetaval seinni í ár, hóast hann er undir fleiri ákærum fyri krigsbrotsverk, morð og dráp og fyri óflýggjaligan atburð í óteljandi førum.
Men leiðandi umboð fyri friðartrúnna (“religion of peace”) verða mangan væl móttikin av ráðandi humanistum í ES og USA. So hví skuldi slíkt bølmenni og drápsmaður við so heiðurskrýndum eftirnavni sum Gaddafi ikki fingið ein kjans at roynt seg sum leiðara í einum muslimskum hundabøli sum Libya.
Hetta eru jú fólkini, ið skulu yvirtaka Evropa frá okkum, eftir bert gráhærdir evropearar búgva barnleys eftir her, og búskapurin í ES er farin í somu hundarnar sum búskapirnir í øllum islamskum londum við 1,5 mia íbúgvum?
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur