Suðurafrikanska forsetaskiftið frá einum fúgvandi korruptum millióningi, Jacob Zuma við 5 konum, til annan fakfelagsleiðara og miljarding Cyril Ramaphosa, báðir ANC-kommunistar, hevur verið ein 3 ára tungur burður. Men nú bar til.

Hvussu ein fakfelagsbossur í einum landi við 50% ungdómsarbeiðsloysi, har 90% av fólkinum skal liva fyri 25 kr um dagin, kann fylla USD 240 mió (= 2 mia kr) í egnan lumma, hevði verið ett áhugavert mál at granska í.

Ein loysn á gátuni um 2 mia kr í netto eginvirði hjá Ramaphosa liggur í, at eftir 1999 bleiv hesin tá LO-bossurin ikki eftirmaður Nelson Mandela sum ætlað.

Ístaðin gjørdist Ramaphosa stjóri á almenna stovninum, ið skuldi víðka tann svarta eigaraskaran í almennum fyritøkum, ið ANC býtti út til vinir, Afrika líkt.

Jacob Zuma suðurafrikanski forsetin frá 2009 til nú í februar, tjenti sínar 10-tals milliónir við at samstarva við 3 brøður, Gupta av navni og fluttir úr India til SA í 1993, beint undan valdsskiftinum frá hvítum til svart. Tá byrjaði muturin.

Brøðurnir eru snildir, ráksnúnir og gløggir, tí tað vóru fáir almennir sáttmálar, ið teir ikki fingu frá Zuma forseta, og hesin ein brævbjálva við peningi afturfyri.

Nú trýsti ANC tann 76 ára gamla Zuma so hart at leggja frá sær, at hann helt ikki valskeiðið út til 2019, tá hann ætlað at seta konuna við sum næsta forseta

Tað eydnaðist ikki. Eitt misálit á Zuma í tjóðartinginum galt 783 ákærur um brot á landsins reglur og lógir. Hann keypti sær ein stokkutan fløva í 2015 við at seta Shaun Abrahams (“Shaun the Sheep”) sum fordómara í hægstarætti.

Men nú vildu aðrir sleppa fram at kleynukassanum at ríka seg upp. Hvør betur skikkaður at stuðla enn 65 ára gamli Cyril Ramaphosa. Hann er løgfrøðingur, og varð longu formaður í Cosatu, námsverkafelagnum frá 1984.

ANC valdi nýggja formannin til forseta í farna mánað, og vanlukkutíð gav Ramaphosa somu boð frá sær sum Zuma og ein skyldmaður hansara, Julius Malema, reinur drápsmaður og ungdómsleiðari ANC, hava boðað frá leingi:

Tjóðartingið fer straks at broyta grundlógina, so ANC kann tjóðartaka  garðar o.a. fastogn frá hvítum bóndum uttan gjald. Hetta er framhald av tí lógloysi, har svartir hava myrt 4.000 hvítar bøndur, sum í Zimbabwe, har fólk svølta