Sjálvandi roynir R7 at viðgerða hetta objektivt. Men máti skal verða við hvussu misvísandi upplýsingar kunnu verða.

Bárður Nielsen spurdi Kristinu Háfoss um útreiðsluvøkstur landskassans. Í viðmerkingunum til fyrispurningin var enntá viðheft partur av rokniarki við upplýsingum.

Sostatt átti tað at verið rímuliga einfalt at svara. Men tað sær ikki út til at verða so einfalt.

Í staðin fyri velur Fíggjarmálaráðharrin at vísa til eina gamla fíggjarætlan. Somuleiðis verður tíð brúkt uppá kommunur, tá spurningurin er um landskassan.

Nýggjastu tølini eru hvønn dag tøk á heimasíðuni hjá Gjaldstovuni. So har er lætt at finna tey. Sær út til at Bárður Nielsen hevur funnið tey á heimasíðuni hjá Gjaldstovuni.

Men tá Fíggjarmálaráðharrin so í sama spurningi boðar frá hvussu stórt avlopið væntandi verður í 2017, endurgevur hon heimasíðuna hjá gjaldstovuni. 

Feilurin er uml. 100 milliónir og tað er meira enn 2%. T.v.s. at útreiðsluvøksturin er 5% og ikki 2,6%

Hetta noyðast vit sjálvandi at spyrja nærri um komandi dagarnar.