Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Atlantic Airways og Smyril Line styrkja ferðavinnuna

Innanlands, Lesarabrøv | 10/04-2018 10:45

Tað er fantastiskt og mennandi at hoyra, at tvær av teimum størstu fyritøkunum í ferðafólkaflutningsvinnuni og sum virka altjóða, nú ætla at byggja tvey nýggj hotel í Tórshavn - henda vakstrarstrategi skapar valutainntøkur umframt nýggj og fleiri arbeiðspláss. Við hesum nýíløgum verður givið eitt ordans boost til menningina av ferðavinnuni

Tað er áhugavert at fylgja kjakinum um framtíðarætlanirnar hjá hesum fyritøkum, báðar hava stórar ætlanir um at byggja tvey hotellir í Tórshavn.

Hettar eru sólskinsøgur, har leiðslurnar í báðum feløgum hava rós uppiborðið.

Tað fall mær tí fyri bróstið, at Vinnunevndin hjá Løgtinginum hevur kallað landsstýrismannin í vinnumálum til samrøðu, serliga um ætlanirnar hjá Atlantic Airways at byggja hotel.

Soleiðis um eg skilti forkvinnuna í vinnunevndini í útvarpssamrøðu, segði hon, at Atlantic Airways fyrst og fremst skuldi útvega ferðafólki bílagar og góðar ferðaseðlar.

Jamen, tað kann saktans lata seg gera, nevnliga við at økja um inntøkumøguleikarnar við einum hotelli - eisini kallað vertikal integratión í veitingarketuni hjá einari fyritøku. Eg ivist onga løtu í, at leiðslan í Atlantic hevur vektað fyrimunir og vansar og tikið hædd fyri tí økta váða at byggja eitt hotel.

At hesi feløgini í ferðavinnuni gera hesar íløgur, nevnliga fyri at økja um inntøkumøguleikarnar og skapa arbeiðspláss, skulu vit fegnast um.

Vit hava bíðað leingi eftir, at aktørar, almenn og privat vinnufeløg, gera hesar íløgur, sum eru so hart tiltrongdar í ferðavinnuni, soleiðis at vit nú seta inn at fáa fleiri ferðafólk til landið - hetta eru sólskinsøgur, sum eiga rós uppiborði.

Lat kapital og virkisfús framtíðarrættað feløg, almen sum privat vinnufeløg, sleppa at menna okkara vinnu og land.

Vit hava tosað nokk um ferðavinnu, nú skal handlast - hesi feløgini gera nakað ítøkiligt við at menna Føroyar sum ferðamannaland.

Annfinn Brekkstein


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Fakta kekking av Ingolf S. Olsen
Samrøða: Bjarni Arnason um føroysku fiski­vinnuna
Magnus Heinason gjørdi bummtúr eftir toski
Vespureiðrið (100) - 18. mars 2019
EFTIRSKÚLI Á TVØROYRI Í AUGUST
Hugnaløtan (54) - Gestur: Hjalgrím Davidsen
So kom Markus
Tí eigur onkur at steðga verandi ætlanum, áðrenn stórskaðin hendir.
"Kom á 2069!" (52) - 15. mar 2019
Skulu frysta kalvan umborð
Komið øll við (3) - Gestur: Uni Árting, um dart - 14. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Toskurin ferðast
Hvast orðaskifti á tingi um Lands­bankan
Álvara Kaj Leo, meinar tú tað? Einki er meira veruleikafjart.
Samkynda forkvinnan hjá skotsku konservativu júst fingið barn
Komið øll við (3) - Gestur: Jógvan Skorheim - 14. mars 2019
Normenn fingu rættuliga stóran tosk
Sendið boð eftir fráfarna stjóranum
Rák (37) Barna­rættindadagar 2019 vísa hvar barna­rættindi verða brotin í Føroyum
Hjalmar Zachariassen; Fólksins ogn
VÍF - H71 endaði við 33-22
Hjálparfólka­felagið og Betri hava kunningarfund
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi