Tvístøða (33) - Øll sendingin
Kjaksending við Hera Joensen, Sunnevu Mohr og Arna Zachariassen. Tóri Højgaard er vertur.
Spurningur 1: (2:50) "Vit hava í nógv ár hoyrt, at tað er vandamikið at eta grind. Kyksilvurið og onnur eitrandi evni, sum eru í tvøstinum og spikinum, gera føroyingar sjúkar uppá allar møguligar mátar, og tí skulu vit eta so lítið, sum møguligt, um ikki einki. Men herfyri vildi ein føroyskur granskari vera við, at grind eisini hevur nógvar serstakar fyrimunir við sær, og hann spurdi um tað, sum fór at koma í staðin fyri grindina fór at vera líka gagnligt fyri heilsuna sum grind. Hvat halda tit? Eta tit grind persónliga? Og hvønn leiklut skulu gransking og almenn tilmæli spæla í privatu matvanunum hjá føroyingum?"
Spurningur 2: (22:00) "Fleiri vinir deila myndir á Facebook av ræðuleikum frá krígnum í Sýria og viðmerkja "steðgið krígnum" ella okkurt líknandi. Eg haldi tað er í besta føri rættiliga góðtrúgvi, í ringasta føri einki annað enn halgilótir. Hin vegin, um man sigur nakað við fólk, í hesum førum bara vísir á at tað steðgar ongum kríggi líkamikið hvat man skirvar á Facebook, so stúri eg fyri at man rættiliga skjótt verur stemplaður sum ósympatiskur barnamordarastuðul. Skal eg viðmerkja ella ignorera? Ella skal eg strika av vinalistanum og blokera?"
Spurningur 3: (41:20) "Sirið Steenberg, landsstýriskona fyri Tjóðveldi, hevur lagt uppskot um nýggja ættleiðingarlóg fyri Løgtingið. Nú fáa (eftir donskum leisti sjálvandi) pør av sama kyni – og eisini samlivandi pør – rætt at ættleiða børn! Hvat halda tit um hetta?"
Líknandi tíðindi
Mest lisið í farnu viku
Samband
Heygsvegur 8
490 Strendur