Løgreglan skrivar parkeringsbót til fiskimenn sum gera klárt til næsta túr.
Á kajøkinum í Salerno gjørdu fiskimenn gørnini klár til næsta túr. Ein løgreglumaður kom oman á kajøkið at skriva parkeringsbøtur. Virðingin fyri fiskimonnum í Italia sær út til at verða á føroyskum støði
Á kajøkinum í Salerno, sunnalaga í Italia gjørdu fiskimenn klárt til næsta túr. Teir royna við gørnum. Tað er grunt og nógvur tari og annað við var í gørnunum.
Eg var ikki meira enn komin, so kom ein løgreglumaður oman á kajøkið. Hann byrjaði beinan veg at skriva bøtur. Eg fekk eina mynd, men hann var ikki glaður og veipaði við ørmunum. Eg slapp við at peika á fiskimennirnar og at siga á enskum at eg tók mynd av fiskimonnunum.
Tá eg kom fram við við myndatólinum, gjørdu teir klárt til næsta túr. Ikki ein dugdi nakað av enskum. Men eg royndi tó at spyrja. Eitt sindur av enskum og okkurt Italienskt orð. Teir svaraðu á Italienskum.
Teir fiska stutt úr landi. Kanska 500 metrar úr landi. Teir royna við gørnum. Gørnini høvdu lítlar meskar. Men uttaná á báðum síðum var eisini net við størri meskum. Eg fekk ikki við, hví so var.
Trupult var at skilja hvat slag av fiski teir royndu eftir. Men eg fann ein fiskahandlarar tætt við havnalagið. Eg tók myndir av feska fiskinum. Har stó navn á. Teir søgdu tað var lokalur fiskur teir seldu. Men tað venda vit aftur til í aðrari grein.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur