The Times: "Bretlandi tørvar færri akademikarar!"
Orðafellið “Lærdómur er lættur at bera” fær helst mong at nikka. Lærdómur er er eisini so mangt, handiligt sum bókligt, ið fólk eru fegin um at meistra.
Nøkur virkisøki kunnu tó vera yvirmannað. Tað er avmarkað, hvussu mangar bøkjarar, dreyarar, skraddarar, báta- og grovsmiðir, ella hjól-, ur-, segl-, karet- og skómakarar pláss er fyri, og hvussu nógvir av slagnum tjena fyri breyðið.
Hvussu er við miðal og longum bókligum útbúgvingum? Tað velst væl um útbúgvingina. Tað gongur, soleingi fólk við longri bókligari útbúgving vilja arbeiða á øðrum øki enn stjørnu-, sálar- og sosialfrøði, sosiologi, ergoterapi, antropologi, sosialráðgeva, kvinnugransking, sexologi o.ø “samfelagsfakum.”
Men MA ella PhD í lesbiskum skaldskapi uttan endarím í 19. øld, ella paringarevni hjá steinkópi í “global warming”, gevur neyvan skattfíggjaða løn.
68 umsøkjarar hildu seg førar fyri at stýra Vága Lufthavn. Tað er djarvt.
Í USA arbeiddu 50.000 PhD-kandidatar sum barrvørðar og tænarar í fjør.
Men aftur til The Times og Bretland. Blaðið heldur, at tørvurin á fólki við longri bókligari útbúgving hevur givið størri mongd enn góðsku av arbeiðsfólki.
Smbr. arbeiðsgevararum eru 40% av hvørjum árgangi, ið eftir útbúgving fer út á arbeiðsmarknaðin ólærd til verandi tørv á arbeiðsmegi. Heili 15% eru “yvirkvalifiserað” og tískil ´”óskikkað” til verandi arbeiðsútboð, skrivar blaðið.
The Times gevur bretskum myndugleikum turt uppá og biður teir útbúgva fleiri lærlinar, ið eru eftirspurdir, men ov lágt raðfestir í útbúgvingarskipani.
Blaðið vísir til Týskland, ið virðir handverk hægri enn pappírsútbúgvingar, ið ikki kunnu brúkast verkliga. “Bretland snobbar fyri bókligari útbúgving.”
The Times skrivar, at mótsett týskum gjalda bretskir arbeiðsgevarar fólki við universitetsútbúgving, t.e. teimum ið fáa størv, 30% hægri enn handverkarum.
“Tað eru tær verkligu útbúgvingarnar, ið hækka virknið og virðið á landsins framleiðslu. Tað hevur enn størri týdning, at øvugt raðfesting, har fólk við verkligari útbúgving, fremur størri sosialan mobilitet, so tey røsku, hegnigu, uppfinnsomu klatra skjótari upp eftir inntøkustiganum,” skrivar The Times.
Mest lisið í farnu viku
Samband
Heygsvegur 8
490 Strendur