Duterte lovar hermonnum pening fyri hvønn dripnan fígginda
Forsetin á Filipsoyggjum Rodrigo Duterte er ikki sum aðrir politikarar á so mangan hátt. Tað byrjaði við, at hann bað fólk í Manila, høvuðstaðnum á Filipsoyggjum, taka lógina í egnar hendur og skjóta brotsfólk, ið selja drøgg.
Fleiri 100 narkosølumenn lótu lív í gøtubardøgum, ið ofta vóru uppgerðir millum brotslið. Vanligt varð at rulla líkini inn í papp, at teypa rundanum og so kanska seta ein sjónskan merkiseðil á papprulluna við upplýsingum á.
Hesir gøtubardagar fóru sum fráleið viðkaðir at umfata vanligar narkomanar, ið stungu nasarnar ov langt fram í sókn eftir drøggi á gøtuni.
Tað løgna er, at meinigi veljarin á Filipsoyggjum tók væl undir við hesum drápiligu boðum, forsetin sendi út við millumbilum. Í Manila, har lógloysið er størri enn úti um landið, er undirtøkan fyri Duterte kanska ikki so løgin kortini, tí helst er meiri friðarligt í gøtunum, og vanlig fólk hætta sær út um kvøldið.
Filipinska hernaðarmegin er aftur sloppin at royna seg á sunnastu oynni, Mindanao, har maoistiskir uppriestrarmennr í áratíggju hava dripið nógv fólk, ið ikki taka undir við marxistisku valdsætlanum teirra.
Herfyri lovaði Duterte so filipinskum hermonnum virðisløn, 20.000 pesos, t.e. 250 kr, fyri hvønn maoistiskan partisan, teir skutu í bardøgum á Mindanao.
Søgan sigur einki, um hesin dusørur hevur økt bardarhugin hjá forsetans hermonnum, so fleiri maoistar í “Nýggja Fólksins Heri” hava látið lív.
Duterte lovaði eisini sínum hermonnum at neyðtaka 3 maoistiskar kvinnur í part, uttan at teir skuldu bøta fyri tað.
Nú hevur Altjóða dómstólurin í Haag til at døma krígsbrotsmenn sett kanning í verk til at vita, um grundarlag er fyri at stevna Rodrigo Duterte fyri rættin og ákæra hann fyri krígsbrotsverk.
Hetta stig tekur altjóða dómstólurin, hóast Duterte hevur meldað Filipsoyggjar úr felagskapinum av londum, ið stendur saman um dómstólin í Haag.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur