Fiskimálaráðharrin skal einsamallur avgerða hvør fær menningarkvotur
Soleiðis sum kunngerðin um menningarkvotur er gjørd, so verður tað 100% fiskimálaráðharrin, sum avgerð, hvør fær menningarkvotur. Tað verður eisini hann, sum almannakunngerð grundgevingarnar og ongin fær innlit í hvør søkti og hvat søkt var um.
Kunngerðin um menningarkvotur er send til hoyringar. Talan eru um sera stór virðir, sum skulu deilast út eftir loyniligum umsøknum og við nógvum ymiskum ásetingum, sum geva tí sum skal deila út frítt val at deila sum best ber til og um viljin er til tað ber eisini til at deila til tann tú vil.
§ 9. Fiskimálaráðið tekur endaliga avgerð til innkomnar umsóknir eftir tilmæli frá metingarnevndini.
Út frá hesum er greitt, at tað er fiskimálaráðið sum avgerð, hvat felag, øki ella persónur fær menningarkvotu.
§ 7 Stk. 5. Allar upplýsingar frá umsøkjarum verða viðgjørdar í trúnaði. Stk. 6. Høvuðsgrundgevingarnar fyri tilmælunum um at játta menningarkvotu verða almannakunngjørdar.
Her sæst at allar upplýsingar eru í trúnaði. T.v.s. at ongin fær nakað at vita um hvør søkti og hvat stendur í umsøknini.
Somuleiðis er greitt, at tá tað er fiskimálaráðið sum avgerð hvør fær menningarkvotu má tað eisini verða fiskimálaráðið sum avgerð, hvør grundgevingin er og almannakunngerð hesa.
Men ongin fer tá at kunna eftirkanna hesa avgerð. Avgerðin verður tí 100% tikin av fiskimálaráðharranum.
Tað er púra greitt at her verður mistanki um korruption líka mikið hvat verður gjørt. Og tað er landsstýrismaðurin sum hevur alt at siga. Hetta eru kinesiskir og russiskir tilstandir ella kanska enn verri.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur