Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Fýra mál fáa aðru viðgerð á tingfundinum í dag

Innanlands, Politikkur | 16/04-2018 08:50

Breið semja er um flestu málini.

Løgtingsfundur byrjar í morgun klokkan 10. Fýra aðru viðgerðir er á skrá, umframt at tveir skrivligir fyripsurningar verða svaraðir, og eisini er framløga á skránni.

Fyrsta málið sum løgtingið viðger, er uppskotið hjá Poul Michelsen, landsstýrismanni, um at gera broytingar í alilógini. Ein samd vinnunevnd tekur undir við størsta partinum av uppskotinum, við onkrum tillagingum, men umboðini fyri ávikavist samgongu og andstøðu hava eisini hvør síni broytingaruppskot.

Í næsta málinum á skránni, sum snýr seg um at javnseta rættindi hjá fyritíðarpensjónistum við rættindini hjá fólkapensjónistum í heilsutrygdarlógini, er full semja í trivnaðarnevndini, sum hevur viðgjørt málið. Øll nevndin tekur undir við uppskotinum hjá Sirið Stenberg, landsstýriskvinnu, og mælir løgtinginum til at samtykkja tað.

Eisini triðja málinum, sum løgtingið viðger í dag, tekur ein samd trivnaðarnevnd undir við. Talan er um eitt ríkislógartilmæli, har løgtingið skal mæla ríkismyndugleikunum til at seta í gildi fyri Føroyar § 3 í “lov om ændring af lov om social service, lov om almene boliger m.v. og lov om psykologer m.v.” Talan er um broytingar, sum eru gjørdar í Danmark, og skotið verður upp eisini at seta somu broytingar í gildi fyri Føroyar.

Fjórða málinum, sum løgtingið viðger í dag, tekur eisini ein samd nevnd undir við. Hesaferð er talan um mentanarnevndina, og málið snýr seg um at broyta lógina um embæti og størv í fólkakirkjuni.

Rigmor Dam, landsstýriskvinna hevur skotið upp, at gudfrøðingar, sum verða prestvígdir, og skulu virka sum óløntir hjálparprestar við síðuna av øðrum arbeiði í fríðum, kirkjuligum felagsskapi, skulu ikki hava skyldu at vera kirkjuráðslimir. Teir skulu tó framvegis hava rætt at taka lut á kirkjuráðsfundum sum eygleiðarar.

Rættiliga nógv mál skulu hava aðru- og triðju viðgerð, áðrenn tingið eftir ætlan fer heim flaggdagin, og tí kann roknast við, at tingfundir verða hvønn dag hesa vikuna, og fyrra partin av næstu viku.


Lagt út: Helgi Abrahamsen
Lýsing
Mest lisið í farnu viku
Samrøða: Bjarni Arnason um føroysku fiski­vinnuna
Fakta kekking av Ingolf S. Olsen
Magnus Heinason gjørdi bummtúr eftir toski
Vespureiðrið (100) - 18. mars 2019
EFTIRSKÚLI Á TVØROYRI Í AUGUST
Hugnaløtan (54) - Gestur: Hjalgrím Davidsen
So kom Markus
Tí eigur onkur at steðga verandi ætlanum, áðrenn stórskaðin hendir.
"Kom á 2069!" (52) - 15. mar 2019
Skulu frysta kalvan umborð
Komið øll við (3) - Gestur: Uni Árting, um dart - 14. mars 2019
Dómadagsmiðlar og politikarar siga eitt, veruleiki sigur annað
Prát við Rigmor Dam, fyrrv. mentamála­ráð­harra
Toskurin ferðast
Álvara Kaj Leo, meinar tú tað? Einki er meira veruleikafjart.
Hvast orðaskifti á tingi um Lands­bankan
Samkynda forkvinnan hjá skotsku konservativu júst fingið barn
Komið øll við (3) - Gestur: Jógvan Skorheim - 14. mars 2019
Normenn fingu rættuliga stóran tosk
Sendið boð eftir fráfarna stjóranum
Rák (37) Barna­rættindadagar 2019 vísa hvar barna­rættindi verða brotin í Føroyum
Hjalmar Zachariassen; Fólksins ogn
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi