5 familjur og 9 børn í skúlaaldri flyta til Fugloyar
Komandi dagarnar flyta 5 familjur til Fugloyar. Hesar familjur hava 9 børn í skúlaaldri og játtan er frá mentamálaráðnum um at skúlin letur uppaftur
Vit hava tosa við ein av teimum, sum flytur. Men hon ynskti at verða ónevnd. Vit fingu upplýst at tað eru 5 familjur sum hava gjørt av at flyta út til Fugloyar. Hesar 5 familjur hava 9 børn í skúlaaldri.
Tey hava søkt mentamálaráðið um at skúlin letur uppaftur. Tað er játta teimum. Emma Sigvaldsdóttir, sum er lærari og býr í Fugloy, skal verða lærari.
Onkur sum flytur út í Fugloy er ættaður úr Fugloy. Tey eru sera spent uppá hvussu tað fer at roynast. Spurd um hvat børnini siga til at flyta siga tey, at børnini hava verið og ferðast í Fugloy og teimum dámar væl. Tó verður hetta fyrstu ferð tey skulu verða so leingi, men rokna verður við at børnini fær at trívast væl.
Tey sum flyta og hava starv fara so at pendla til arbeiðis. Tað halda tey ber rímuliga væl til.
Spurd um flytingin er permanent svara tey, at ætlanin er at royna hetta í nakrar mánar. Tað búgva fá fólk í Fugloy um veturin og ætlanin er ikki at búgva har komandi vetur. Men tey fáa so at síggja hvussu tað gongur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur