VÍF vann á Kyndil og alt verður avgjørt í morgin
VÍF vann í dag 25-22 á Kyndil. Liðini hava vunnið 1 dyst hvør og tí verður triðji dysturin, sum verður í morgin í Vestmanna avgerðandi.
Onnur finalan í Hvonn deildini var leikt í dag. Kyndil vann fyrstu finaluna. Tí noyddist VÍF at vinna í dag. Tað gjørdu tær eisini. Úrslitið í dag var at VÌF vann 25-22.
Dysturin var rímuliga javnur, men í seinna hálvleiki fekk VÍF nøkur mál og munurin helt sær til dysturin endaði.
Reglurnar eru soleiðis at nú verður triðji dysturin avgerðandi. Fyrstu tveir dystirnir telja ikki við. Endar dysturin javnt, so verður umdystur og um tað eisini endar javnt, so verður brotskastskapping.
VÍF hevur heimavøll og tað er ofta ein fyrimunur. Somuleiðis er tað vanligt at liðið sum vinnur næsta dystin hevur fyrimun og vinnur triðja dystin. Men munurin í dag var ikki stórur og tí verður rokna við einum sera jøvnum dysti í morgin.
Avgerðandi finalan í Hvonn deildini verður í Vestmanna í morgin byrjar klokkan 16
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur